Ga 6:2 - Nouvo Testaman Kreol Morisien Harmonisation NTPS KM

² Sakenn bizin ed so kamarad, lerla zot pou met an pratik lalwa Lekris,

Nouvo Testaman dan Kreol Morisien

² Sakenn bizin ed so kamarad, lerla zot pou met anpratik lalwa Lekris,

Ga 6:2 Referans Kwoze

Let pou Romin 15:1

Nou ki for dan lafwa, nou bizin ed bann ki feb, e pa zis rod seki fer noumem plezir.

1 Tes 5:14

Nou pe sipliy zot, frer ek ser, pou averti bann ki pares, ankouraz bann ki gagn per, ed bann feb, ena pasians pou zot tou.

Zn 13:34

Mo donn zot enn komannman nouvo: kontan zot kamarad, parey kouma mwa, mo kontan zot. Zot bizin kontan zot kamarad.

1 Zn 4:21

Ala komannman ki li finn donn nou: seki kontan Bondie bizin kontan so frer ek so ser osi.

Let Zak 2:8

Bien sir, zot fer bien si zot vremem obeir lalwa rwayom dapre Lekritir, “To bizin kontan to prosin kouma tomem.”

Zn 15:12

Ala mo komannman, kontan zot prosin, parey kouma mwa mo kontan zot.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

Mt 8:17

Tousala ti arive dapre seki profet Izai ti dir, “Li pran lor li tou nou bann infirmite ek nou bann maladi.”

Ga 6:5

Sakenn pou bizin sarye so prop fardo.

1 Ko 9:21

Ar bann ki inior lalwa, mo viv kouma zot pou ki mo kapav gagn zot. Sa pa vedir ki mo indiferan ar lalwa Bondie, parski mo pe viv lalwa Lekris.

Let pou Romin 8:2

An-efe, lalwa Lespri Sin ki donn lavi par Zezi Kris finn liber twa depi lalwa pese ek lamor.

Lk 11:46

Zezi reponn li, “Maler lor zot osi bann dokter lalwa! Zot dimann dimounn sarye bann fardo bien lour, me zot, zot mem pa lev zot ti ledwa pou donn enn koudme sarye sa pwa-la.

Let Zak 1:25

Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

Let Zak 2:12

Zot bizin koze ek azir kouma dimounn ki lalwa pou zize, lalwa ki rann lib.

2 Pi 2:21

Li ti pou meyer ki zame zot ti konn sime lazistis, ki apre ki zot finn konn li, zot tourn zot ledo ar bann komannman sakre ki finn transmet zot.

2 Pi 3:2

Zot bizin rapel bann parol ki bann sin profet ti dir, e komannman ki Lesegner ek Sover ti koze atraver bann Zapot.