Ga 2:20 - Nouvo Testaman Kreol Morisien Harmonisation NTPS KM

²⁰ alor, li nepli mwa ki pe viv, me Kris ki pe viv dan mwa. Lavi ki mo pe viv aster-la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.

Nouvo Testaman dan Kreol Morisien

²⁰ alor, li nepli mwa ki pe viv, me Kris ki pe viv dan mwa. Lavi ki mo pe viv aster la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.

Ga 2:20 Referans Kwoze

Ga 5:24

e bann ki viv ini avek Kris, zot finn krisifie zot prop laser ek zot bann pasion ek dezir.

2 Ko 5:15

Li finn mor pou tou dimounn, afin ki seki viv, li nepli viv pou limem me li viv pou Sa-Enn ki finn mor pou zot-la, e ki finn resisite pou zot.

Let pou Romin 6:8

Si nou finn mor avek Lekris, nou krwar avek konviksion ki nou pou viv avek li.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa-la lemond finn fini krisifie pou mwa e mo finn fini krisifie pou lemond.

2 Ko 13:5

Examinn zotmem pou verifie si zot pe viv dan lafwa. Teste zotmem. Eski zot pa realize ki Lekris dan zot? Amwin ki lexame ki zot fer montre ki zot finn fel.

Let pou Romin 6:13

Pa livre diferan parti zot lekor pou ki pese fer zot vinn instriman move kiksoz; okontrer ofer zotmem Bondie kouma bann dimounn vivan ki finn sorti depi dan lamor, e ofer zotmem an antie kouma instriman pou enn lavi drwat devan Bondie.

1 Tes 5:10

ki finn mor pou nou, pou ki nou kapav viv ini avek limem si nou eveye ou pe dormi.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Ga 1:4

Zezi Kris, finn donn limem pou nou pese e li finn delivre nou dan sa lemond move la dapre volonte Bondie nou Papa.

Zn 17:21

Mo priye pou ki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemond pou krwar ki to finn avoy mwa.

Let pou Romin 8:37

Me dan tousala, nou plis ki vinker par Sa-Enn ki finn kontan nou la.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Filipien 4:13

Mo kapav fer fas avek tou sa bann sitiasion-la parski Lekris li fortifie mwa.

Ef 3:17

Mo priye ki Lekris res dan zot leker par lafwa. Mo priye ki zot bien anrasine ek bien etabli dan lamour,

Ga 3:11

Li kler ki personn pa kapav deklar limem zis devan Bondie par lalwa, parski finn ekrir: “Kikenn ki zis par lafwa, li pou viv.”

Zn 3:16

Bondie finn telman kontan lemond, ki li finn donn so Sel Garson pou ki tou dimounn ki krwar dan Li, pa mor me gagn lavi eternel.

1 Zn 1:7

Me si nou mars dan lalimier parey kouma limem ki dan lalimier, nou pou viv ini avek nou kamarad, e disan so Garson Zezi lav tou nou pese.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Let pou Romin 5:2

Akoz nou ena lafwa dan Lekris, li finn fer nou gagn akse ar lagras Bondie, e nou viv dan lexperyans sa lagras-la. Nou met nou fierte dan lesperans ki nou partaz laglwar Bondie.

Let pou Romin 1:17

Bonn Nouvel revel kouma Bondie amenn drwatir. Zis lafwa tousel ki fer sa, depi koumansman ziska lafin, parey kouma Lekritir deklare, “Dimounn ki drwat pou viv par lafwa.”

2 Ko 13:3

Zot pou gagn tou prev neseser pou prouve ki Lekris koz par mwa. Lekris pa feb pou zot, me li manifeste so pwisans parmi zot.

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Zn 10:11

Momem bon berze; enn bon berze expoz so lavi pou so bann mouton.

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Revelasion 3:20

Ekoute, mo devan laport, mo pe tape, si kikenn tann mo lavwa e ouver laport, mo pou rant kot li e manz avek li, e li pou manz avek mwa.

1 Pi 1:8

Mem si zot pa finn trouv li, zot kontan li; e mem si zot pa trouv li aster-la, zot krwar dan li e zot rezwir dan enn lazwa extraordiner ki pa kapav exprime,

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Zn 15:13

Pena pli gran lamour ki existe ler kikenn donn so lavi pou so bann kamarad.

Ga 2:16

Pourtan nou kone ki enn dimounn pa zistifie par pratik lalwa me par so lafwa dan Zezi Kris. Nou osi, nou finn krwar dan Zezi Kris, pou ki nou zistifie par Zezi Kris, e pa par pratik lalwa, parski personn pa zistifie parski li pratik lalwa.

2 Ko 10:3

Li vre ki nou imin, me li pa vre ki nou konbat dapre manier imin.

Zn 6:69

Nou finn krwar e nou finn kone ki to tousel Sin, ki to sorti kot Bondie.”

Zn 1:49

Natanael reponn, “Met, tomem Garson Bondie, Lerwa Izrael.”

2 Ko 1:24

Nou pa rod inpoz lor zot seki zot bizin krwar; nou kone ki zot ferm dan zot lafwa, me nou anvi kontribie pou zot boner.

Zistwar Bann Zapot 9:20

Toutswit apre li koumans proklam Zezi dan sinagog, li dir, “Limem Garson Bondie.”

Ef 5:25

Mari, kontan zot fam parey kouma Lekris ti kontan Legliz e li ti donn so lavi pou li

2 Ko 5:7

Nou viv par lafwa, nou pa viv par seki lizie trouve.

Zn 3:35

Papa-la kontan so Garson e li finn met tou dan so lame.

1 Zn 4:14

Nou finn trouve e nou temwagne ki Bondie finn avoy so Garson kouma Sover lemond.

Zistwar Bann Zapot 8:36

Letan zot pe kontign zot sime, zot ariv kot ena dilo; lerla ofisie-la dir Filip, “Ala dilo, ki anpes mwa resevwar batem?”

Mt 4:3

Diab vinn ar li e dir li, “Si tomem Garson Bondie, donn lord sa bann ros-la vinn dipin.”

Let pou Romin 3:22

Bondie rann nou zis devan li par lafwa ki nou ena dan Zezi Kris. Li tret tou dimounn egal,

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Let pou Romin 5:6

Letan nou ti ankor feb, Lekris ti mor pou bann peser dan letan ki ti finn fixe.

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Let pou Romin 8:10

Me si Lekris dan zot, mem si li vre ki zot lekor li mor akoz pese, zot lespri li vivan parski finn fer zot vinn drwat devan Bondie.

Let pou Romin 14:7

Personn pa viv pou limem, e personn pa mor pou limem.

1 Ko 6:17

Me seki inir limem ar Lesegner li vinn enn sel lespri avek Lesegner.

2 Ko 5:14

An-efe, lamour Lekris kontrol nou, parski nou ena lasirans ki ena enn sel ki finn mor pou tou lezot; savedir ki tou lezot ena enn par dan so lamor.

2 Ko 11:10

Par laverite Lekris ki dan mwa, mo kapav dir ki personn dan rezion Akai pa pou kapav aras sa fierte ki mo ena pou zot la.

Let pou Filipien 1:21

Pou mwa Kris limem mo lavi e lamor pou donn mwa plis ankor pou viv.

Eb 8:3

Sak gran pret finn etabli pou ofer don ek sakrifis; alor fode ki sa pret-la osi ena kitsoz pou ofer.