Ga 2:14 - Nouvo Testaman Kreol Morisien Harmonisation NTPS KM

¹⁴ Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Nouvo Testaman dan Kreol Morisien

¹⁴ Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Ga 2:14 Referans Kwoze

Ga 2:5

Nou pa finn soumet nou ditou ar bann-la, pou ki nou prezerv laverite Bonn Nouvel pou zot, nou frer ek ser.

Zistwar Bann Zapot 10:28

Li dir zot, “Zot tou bien kone ki dapre lalwa, enn Zwif pa asosie limem ar enn etranze, e li pa frekant lezot ki pa Zwif. Me Bondie finn montre mwa ki fode pa mo konsider okenn dimounn inpir oubien indign pou mo frekant li.

1 Tim 5:20

Si kikenn fer pese, repran li an piblik koumsa lezot pou fer atansion.

Ga 6:12

Sa bann dimounn ki anvi zot fer sirkonsizion-la, zot oule zis fer remark zot dan bann zafer laser. Zot fer sa pou ki zot pa persekite akoz lakrwa Lekris.

Proverb 2:7

Li enn gran proteksion pou dimounn drwat; li enn boukliye pou dimounn onet.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Eb 12:13

e fer enn santie drwat pou zot lipie, pou ki seki bwate pa paralize me okontrer gagn gerizon.

Eb 9:10

Me li konsern selman manze, bwar ek diferan seremoni pirifikasion, enn bann rit imin ki finn inpoze ziska ki tou pou sanze pou touletan.

Ga 2:9

Letan Zak, Pier ek Zan, bann gran pilie legliz, rekonet lagras ki Bondie finn donn mwa, zot ser nou lame, Barnabas ek momem, kouma enn sign lakorite. Nou tom dakor ki nou al kot bann non-Zwif e zot kot bann Zwif.

Ga 2:7

Okontrer, zot ti trouve ki Bondie finn konfie mwa Bonn Nouvel pou anons bann non-Zwif parey kouma Pier pou bann Zwif.

Let pou Romin 14:14

Par lafwa ki mo ena dan Lesegner Zezi, mo kone ek mo garanti ki nanye dan limem pa inpir. Me si kikenn panse ki enn kiksoz inpir, li inpir zis pou sa dimounn-la.

Zistwar Bann Zapot 15:24

Nou finn tann dir ki de-trwa dimounn ki sorti kot nou, finn trakas zot ek boulvers zot par seki zot finn dir. Nou pa ti donn bann-la okenn instriksion.

Proverb 10:9

Dimounn onet viv an-sekirite; me bann malonet zwenn tase.

Psom 141:5

Enn bon dimounn kapav pini mwa, fer mwa repros pou mo prop dibien me mo refiz aksepte faver ar move dimounn parski gramatin-tanto mo fer lapriyer kont zot pese.

Psom 58:1

E zot bann kreatir dan lesiel eski zot zizman li korek? Eski zot ziz dimounn ar zistis?

Psom 15:2

Dimounn ki san repros, ki fer seki drwat, ki koz vre depi enn leker sinser,

Ga 2:3

Tit ti avek mwa. Mem si li enn Grek, zot pa ti fors li pou fer sirkonsizion,

Zistwar Bann Zapot 15:1

Ti ena de-trwa zom ki ti sorti Lazide e ti vinn Antios, e zot ti ansegn bann frer, “Zot pa pou sove si zot pa fer sirkonsizion dapre lalwa Moiz.”

Zistwar Bann Zapot 15:5

Alor, de-trwa parmi bann Farizien ki finn konverti, diboute dir, “Li neseser ki bann payin fer sirkonsizion e nou exize ki zot obeir lalwa Moiz.”

Ga 1:6

Sa etonn mwa avek ki vites zot finn tourn zot ledo ar Bondie ki ti apel zot par lagras Lekris, pou zot al aksepte enn lot Bonn Nouvel.

Ga 1:18

Plitar, apre trwa-z-an mo ti al Zerizalem pou vizit Pier e mo ti res avek li pou kinz zour.

Let pou Kolosien 1:5

akoz sa lesperans ki pe atann zot dan lesiel; zot finn tann lanons sa lesperans-la avan, par Bonn Nouvel, Parol laverite