Ga 1:1 - Nouvo Testaman Kreol Morisien Harmonisation NTPS KM

¹ Mwa Pol, zapot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Nouvo Testaman dan Kreol Morisien

¹ Mwa Pol, apot, pa par volonte bann imin oubien lotorite zom, me par Zezi Kris ek Bondie Papa ki finn resisit li parmi bann mor,

Ga 1:1 Referans Kwoze

1 Ko 1:1

Mwa Pol, ki Bondie finn swazire, par so volonte, pou vinn enn Zapot, ansam avek nou frer Sostenn,

Revelasion 1:5

e kot Zezi Kris, temwin fidel, premie-ne parmi bann mor e dirizan bann lerwa lor later. Zezi Kris kontan nou, par so lamor li finn tir nou dan nou pese.

Let pou Romin 1:1

Mwa Pol, mo enn serviter Zezi Kris, enn zapot ki Bondie finn swazire ek apele pou pres so Bonn Nouvel,

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Tit 1:3

Kan finn ariv lemoman, Bondie nou Sover finn manifeste so parol par enn proklamasion ki finn konfie mwa par so lord.

2 Ko 1:1

Mwa Pol, enn Zapot Zezi Kris par volonte Bondie, ek Timote nou frer, Mo pe ekrir zot, Legliz ki dan Korint, ek tou bann krwayan ki partou dan Akai:

2 Tim 1:1

Mwa, Pol, mo enn zapot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.

Let pou Romin 10:9

Si par to prop labous to konfese ki Zezi limem Lesegner e to krwar ki Bondie finn resisit li depi lamor, to pou sove.

Zistwar Bann Zapot 22:10

Lerla mo dimande, ‘Ki mo bizin fer, Segner?’ Lesegner reponn mwa, li dir ‘Leve. Al Damas. Laba to pou gagn detay lor travay ki to bizin fer.’

Zistwar Bann Zapot 9:6

Lev twa, rant dan lavil e zot pou dir twa seki to bizin fer.”

Revelasion 2:8

Let ki finn ekrir pou anz dan Legliz Smirn: “Sa-enn ki premie ek dernie ki ti finn mor e ki finn resisite la deklare:

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pou ki zot lafwa ek zot lesperans repoz dan Bondie.

Eb 13:20

Bondie, lasours lape, finn resisit nou Segner Zezi, gran Berze bann mouton, ki finn vers so disan ki garanti enn lalians eternel.

Ga 1:17

mo mem pa finn mont Zerizalem kot bann ki ti zapot avan mwa, me mo ti al dan Larabi, apre mo ti retourn dan Damas.

Let pou Romin 14:9

Lekris finn mor e li finn resisite pou ki li vinn Lesegner bann vivan ek bann ki finn mor.

Zn 20:21

Zezi dir zot ankor, “Lape avek zot; parey kouma mo Papa finn avoy mwa, mwa osi mo avoy zot.”

Zn 10:30

Mo Papa ek mwa nou enn sel.”

Zn 5:19

Zezi reponn zot, “Vremem laverite mo dir zot, Garson Papa-la pa kapav azir dapre li, li fer tou seki li trouv so Papa fer; seki Papa-la fer, Garson-la fer parey.

Zistwar Bann Zapot 3:15

Zot finn touy Sa-Enn ki donn lavi, me Bondie finn resisit li. Nou tou nou temwin sa.

Ga 1:15

Me Bondie dan so lagras finn swazir mwa avan mem ki mo finn ne e li finn apel mwa pou servi li.