Ef 6:18 - Nouvo Testaman Kreol Morisien Harmonisation NTPS KM

¹⁸ Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

Nouvo Testaman dan Kreol Morisien

¹⁸ Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

Ef 6:18 Referans Kwoze

1 Tes 5:17

Priye touletan.

Let pou Kolosien 4:2

Pa aret priye; se sa ki pou gard zot lespri vif e dan remersiman.

Let pou Filipien 4:6

Napa bizin zot trakase ditou, me dan ninport ki sitiasion, avek enn leker rekonesan, ofer zot lapriyer ek siplikasion Bondie.

1 Tim 2:1

Mo fer enn lapel pou ki, avan tou, zot fer lapriyer, zot sipliy Bondie ek zot fer aksiondegras pou tou dimounn,

Let Zid 1:20

Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Mk 14:38

Veye, priye pou pa rant dan tantasion; lespri for, laser feb.”

Lk 21:36

Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Mt 26:41

Veye, priye pou ki zot pa rant dan tantasion. Lespri anvi mem, me laser feb.”

Ef 1:16

mo pa kapav aret rann gras pou zot, e mo mansionn zot dan mo lapriyer.

Psom 6:9

LESEGNER finn ekout mo siplikasion, LESEGNER finn akeyir mo lapriyer.

Let pou Romin 12:12

Montre lazwa dan lesperans, montre pasians dan detres, priye avek fidelite.

Mk 13:33

Get bien, vey bien; parski zot pa kone kan tousala pou arive.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

Zistwar Bann Zapot 1:14

Zot tou ti plonze dan lapriyer ansam avek de-trwa fam. Parmi ti ena Marie, mama Zezi ek so bann frer.

Lk 22:46

Li dir zot, “Kifer zot pe dormi? Leve, priye pou ki zot pa rant dan piez tantasion.”

Psom 4:1

Reponn mwa kan mo priye twa. Bondie tomem mo lazistis. Kan mo ti dan detres to finn liber mwa. Montre to bonte, ekout mo lapriyer.

Eb 5:7

Pandan so lavi lor later, Zezi finn priye bien for ziska vers so larm, li finn sipliy Sa-Enn ki kapav sov li depi lamor, e so lapriyer ti exose akoz so soumision.

2 Tim 1:3

Mo rann gras Bondie ki mo servi avek enn konsians kler, parey kouma mo bann anset. Lanwit, lizour mo pa aret pans twa dan mo lapriyer.

Let pou Filipien 1:4

sak lapriyer ki mo fer pou zot, li touzour avek lazwa ki mo priye,

Ef 6:19

Priye pou mwa osi, pou ki mo gagn fasilite laparol, pou ki mo koz ar lasirans pou revel mister Bonn Nouvel.

Zistwar Bann Zapot 12:5

Pandan ki Pier ti dan prizon Legliz ti priye Bondie boukou pou li.

Let pou Filemon 1:5

parski mo finn tann bann bon koze lor to lamour pou tou bann frer krwayan ek to lafwa ferm dan Segner Zezi.

Zistwar Bann Zapot 10:2

Li ti bien relizie; li ansam ar tou so fami ti ador Bondie. Li ti bien ed bann pov e touletan li ti priye Bondie.

Zistwar Bann Zapot 6:4

Koumsa nou kapav kontign lapriyer ek predikasion.”

Ef 3:18

pou ki zot bien sezi, ansam avek lepep Bondie, ki larzer, ki longer, ki oter e ki profonder

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

Ef 2:22

Dan linion avek li, zot osi zot fer parti ansam avek lezot pou vinn enn lakaz kot Bondie abite par so Lespri.

Lk 3:37

garson Matousalem, garson Enok, garson Yared, garson Malaleel, garson Kenan,

Let pou Kolosien 1:4

parski nou finn tann koz zot lafwa dan Zezi Kris ek zot lamour pou tou bann disip,

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

Lk 3:26

garson Maat, garson Matatias, garson Semein, garson Zozek, garson Yoda,

Let pou Kolosien 1:3

Dan lapriyer ki nou fer pou zot, nou remersie touletan Bondie, Papa nou Segner Zezi Kris,

Mt 17:21

Zis ar lapriyer ki sa kalite lespri-la kapav sorti.”