Ef 6:12 - Nouvo Testaman Kreol Morisien Harmonisation NTPS KM

¹² Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemond teneb la, kont pwisans spiritiel lemal lao dan lesiel.

Nouvo Testaman dan Kreol Morisien

¹² Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemonn teneb la, kont pwisans spiritiel lemal lao dan lesiel.

Ef 6:12 Referans Kwoze

Let pou Kolosien 1:13

Li finn aras nou dan pouvwar teneb e li finn transfer nou dan Rwayom so Garson bieneme;

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Let pou Kolosien 2:15

Li finn depouy bann Lespri e bann Lafors, tou dimounn trouve ki li finn dezarm zot, li finn trenn zot dan kortez laviktwar so lakrwa.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Ef 1:21

Lekris bien lao lor tou lotorite, pouvwar, pwisans ek rwayote. Tit ki li ena pli gran tit ki kapav nome, pa selman dan lemond aster me ankor dan lemond ki pe vini.

Let pou Romin 8:38

Wi, mo ena lasirans ki ni lamor, ni lavi, ni bann anz, ni lezot pouvwar dan lesiel, ni letan prezan, ni lavenir,

Ef 3:10

Aster-la atraver Legliz, bann lotorite ek bann pouvwar ki lao dan lesiel kapav konn sazes Bondie dan tou so diferan form.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

1 Ko 15:50

Seki mo pe rod dir, frer ek ser, seki laser ek disan pa kapav ena par dan Rwayom Bondie; seki mortel pa kapav ena par dan imortalite.

1 Pi 3:22

ki finn al dan lesiel e dan kote drwat Bondie, la kot li pe regne lor bann anz ek lezot pwisans ek lotorite lesiel.

Eb 12:1

Alor parski nou osi nou ena enn lafoul temwin otour nou, anou debaras tou fardo ki lor nou sime ki anpes nou bouze, ek pese ki pe pez lor nou. Anou galoup lekours ki finn met devan nou avek determinasion.

Zn 14:30

Mo nepli pou dir zot tousala; sef demon ki diriz lemond pe vini e li pa kapav fer mwa nanye.

Zn 12:31

Aster-la mo pou ziz lemond e so gran sef pou deor.

Zn 16:11

Ki ete zizman? Sef lemond finn fini zize.

Lk 22:53

Toulezour mo ti avek zot dan Tanp e zot pa finn trap mwa pou aret mwa. Me zot ler ek ler pwisans teneb finn vini.”

Lk 13:24

“Fer tou zot posib pou rant par ti laport parski boukou pou rod rantre me zot pa pou kapav.

2 Tim 2:5

Okenn atlet pa reisi san respekte bann regleman.

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Eb 12:4

Dan zot konba kont pese, zot pa ankor ariv staz reziste ziska ki disan koule.

Ga 1:16

Kan li ti deside pou revel mwa so Garson, pou ki mo kapav anons li ar bann payin, mo pa ti al kot personn pou demann konsey,

Mk 4:19

Me bann traka lavi, lanvi gagn touzour plis, tou sort kalite tantasion, tousala touf la parol. Li pa raport okenn fri.

2 Ko 11:14

Nou pa etone! Satan limem degize kouma anz lalimier.