Ef 5:29 - Nouvo Testaman Kreol Morisien Harmonisation NTPS KM

²⁹ Personn pa ayir so prop lekor, me li nouri li e donn li boukou latansion, parey kouma Lekris fer pou so Legliz.

Nouvo Testaman dan Kreol Morisien

²⁹ Personn pa air so prop lekor, me li nouri li e donn li boukou latansion, parey kouma Lekris fer pou so legliz.

Ef 5:29 Referans Kwoze

Ef 5:31

“Akoz sa enn zom kit so papa ek so mama, e li inir li ar so fam, e toule-de zot vinn enn sel.”

Proverb 11:17

Bann bon dimounn pou gagn zot rekonpans; bann malfeter atir zot prop maler.

Mt 23:37

“Zerizalem, Zerizalem, twa ki touy to bann profet kout ros! Komie fwa mo finn anvi rasanble to bann zanfan kouma enn mama poul rasanble so bann piti anba so lezel, me to pa finn anvi!

Let pou Romin 1:31

zot pena konsians, pena lafwa, pena leker, pena pitie.

Mt 6:26

Get bann zwazo dan lezer, zot pa ni seme, ni rekolte, ni ramase dan grenie, e pourtan Bondie Papa ki dan lesiel nouri zot. Eski zot pena plis valer ki zwazo?

Ef 5:28

Koumsa mem bann mari bizin kontan zot fam, kouma zot prop lekor. Dimounn ki kontan so fam kontan limem.

Ef 5:30

Nou manb so lekor.