Ef 4:24 - Nouvo Testaman Kreol Morisien Harmonisation NTPS KM

²⁴ Abiy zot avek enn nouvo natir, ki kree dapre resanblans Bondie dan vre lazistis e lapirte.

Nouvo Testaman dan Kreol Morisien

²⁴ Abiy zot avek enn nouvo natir, ki kre dapre resanblans Bondie dan vre lazistis e lapirte.

Ef 4:24 Referans Kwoze

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Let pou Romin 13:14

Plito pran lor zot tou seki Lesegner Zezi Kris pe ofer e pa les zot antrene par zot prop natir pou satisfer so dezir.

Ef 6:11

Met tou lekipman solda ki Bondie fourni; met li lor zot pou ki zot kapav reziste kont manigans diab.

Let pou Romin 6:4

Par nou batem nou finn antere avek li e nou finn partaz so lamor, pou ki nou viv enn nouvo lavi parey kouma Lekris finn resisite depi lamor par laglwar so Papa.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

2 Ko 4:16

Akoz sa nou pa perdi kouraz. Mem si nou kote fizik pe deteryore, nou kote spiritiel pe renouvle zour apre zour.

Let pou Romin 13:12

Lanwit pe preske fini, lizour pe aprose. Anou aret pratik bann aksion ki fer dan lobskirite e anou pran bann zarm ki servi dan lalimier.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pou ki kan zot bwar li zot kapav grandi pou gagn vre lavi,

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

Zn 17:17

Sanktifie zot dan laverite parski to Parol laverite.

Ga 6:15

Ki enn dimounn sirkonsi ou pa, sa pena okenn linportans; seki inportan se enn nouvo kreasion.

Ga 3:27

Zot tou finn batize dan Kris e zot finn abiy zot avek Kris parey kouma zot met enn linz nef.

1 Ko 15:53

Sa lekor ki kapav pouri la, bizin abiy ar seki pa pouri zame; sa lekor ki kapav mor la, bizin anvlop li dan seki pa pou mor zame.

Ef 2:15

Li finn aboli lalwa, ek so komannman ek so bann regleman. Li ti oule apartir Zwif ek non-Zwif kree enn nouvo pep dan linion avek li, ek etablir lape.

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.

Eb 1:8

Me lor so Garson, Bondie finn dir, “Bondie, to tronn li pou res pou touzour. Dan lazistis to pou gouvern to rwayom.

Lk 1:75

dan lasintete ek lazistis dan so prezans tou toulezour nou lavi.

Let pou Romin 7:6

Aster-la nou lib par rapor ar lalwa. Nou finn mor par rapor ar seki ti gard nou esklav. Koumsa nou servi dan enn nouvo fason dapre Lespri, nou pa servi dan vie fason dapre lalwa ki finn ekrir.

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

2 Pi 1:4

Koumsa mem ki li donn nou sa bann don presie ki li finn promet, pou ki atraver sa, zot pou evit tom dan piez move dezir e zot pou kapav partisip dan so natir divinn.