Ef 2:8 - Nouvo Testaman Kreol Morisien Harmonisation NTPS KM

⁸ Par lagras ki zot sove, par mwayin lafwa; zot, zot pa finn fer nanye, sa enn kado Bondie sa.

Nouvo Testaman dan Kreol Morisien

⁸ Par lagras ki zot sove, par mwayin lafwa; zot, zot pa finn fer nanye, sa enn kado Bondie sa.

Ef 2:8 Referans Kwoze

Ef 2:5

letan nou ti spiritielman mor akoz nou bann fot, li ti donn nou lavi avek Lekris. Par lagras Bondie ki nou sove.

Let pou Romin 4:16

Pou sa rezon-la, promes-la baze lor lafwa pou ki li enn don Bondie e li valab pou tou bann desandan Abraam; pa zis pou dimounn ki obeir lalwa, me osi pou dimounn ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 10:17

Dimounn gagn lafwa par mesaz ki zot tande, e mesaz ki anonse li lor Lekris.

Zistwar Bann Zapot 16:31

Zot reponn, “Krwar dan Lesegner Zezi, e twa ek to fami pou sove.”

Zn 6:37

Tou dimounn ki mo Papa donn mwa pou vinn ar mwa; mo pa pou pous personn.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 4:10

Zezi reponn li, “Si to ti konn kado Bondie e si to ti kone kisann-la pe demann twa, donn mwa inpe dilo pou bwar, tomem to ti pou demann li, e li ti pou donn twa enn dilo lasours.”

Lk 7:50

Lerla Zezi dir ar madam-la, “To lafwa finn sov twa, al anpe.”

Mk 16:16

Dimounn ki krwar ek resevwar batem pou sove, me dimounn ki pa krwar pou kondane.

Zn 3:36

Dimounn ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Let pou Romin 4:5

Me si enn dimounn pa travay, me ena konfians ki Bondie rann bann peser zis akoz zot lafwa, sa kalite lafwa-la Bondie kont li kouma enn lavi drwat.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Ga 3:22

Me Lekritir deklare ki lemond antie prizonie pouvwar pese, pou ki promes Bondie li realize pou bann krwayan akoz zot lafwa dan Zezi Kris.

Zistwar Bann Zapot 13:39

Par Zezi tou dimounn ki krwar pe gagn liberasion so bann pese ki lalwa Moiz pa ti kapav fer.

Ga 3:14

Sa finn arive pou ki par Zezi Kris, benediksion Abraam tom osi lor bann payin, e ki nou kapav resevwar promes Lespri dan lafwa.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zn 6:35

Zezi reponn zot, “Momem dipin ki donn lavi; seki vinn ar mwa pa pou gagn fin e seki krwar dan mwa zame pou gagn swaf.

Ef 1:19

ki pwisans imans li ena dan nou faver, nou ki bann krwayan. Sa lafors tou pwisan lamem

Zistwar Bann Zapot 14:27

Kan zot finn ariv la, zot ti reinir bann dimounn Legliz e zot ti rakont tou seki Bondie ti fer atraver zot e kouma li finn ouver laport ar bann non krwayan.

Zn 6:65

E li dir, “Akoz samem, mo dir zot, personn pa kapav vinn ar mwa, si mo Papa pa permet li.”

Let pou Kolosien 2:12

Zot finn plonze ar li dan batem, ar li zot finn resisite parski zot finn krwar dan lafors Bondie ki finn resisit li depi bann mor.

Zn 6:44

Personn pa kapav vinn ar mwa, si mo Papa ki finn avoy mwa pa amenn li ar mwa; mwa mo pou resisit li dan dernie zour.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

Let pou Filipien 1:29

Zot finn gagn privilez pou non selman krwar dan Kris me osi soufer pou li.

Let pou Romin 10:14

Me kouma zot pou invok kikenn dan ki zot pa finn krwar? E kouma zot pou krwar dan kikenn, si zot pa finn tann koz li? E kouma zot pou tande si personn pa finn anons zot sa kikenn-la?

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

2 Tes 1:9

Zot pinision pou detrir zot pou touzour e pou separ zot avek prezans Bondie ek pwisans so laglwar.

Zistwar Bann Zapot 15:11

Me nou krwar ki nou, osi bien ki bann-la, pou sove par lagras Lesegner Zezi.”

Let pou Romin 9:16

Alor sa pa depann lor volonte dimounn ni lor so zefor me zis lor mizerikord Bondie.

Eb 6:4

Li inposib pou retablir dimounn ki finn deza resevwar lalimier, ki finn gout bann don lesiel, ki finn vinn partner avek Lespri Sin,

Mt 20:9

Bann ki ti pran travay ver sink-er prezant zot, e sakenn resevwar valer enn zourne travay.