Ef 2:4 - Nouvo Testaman Kreol Morisien Harmonisation NTPS KM

⁴ Me akoz Bondie ena boukou-boukou konpasion, e li ena enn gran lamour pou nou,

Nouvo Testaman dan Kreol Morisien

⁴ Me akoz Bondie ena boukou-boukou konpasion, e li ena enn gran lamour pou nou,

Ef 2:4 Referans Kwoze

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Psom 86:15

Me twa, Segner, to enn Bondie konpatisan e bienveyan, To ena gran pasians, to ranpli ar lamour infini ek fidelite.

Let pou Romin 5:8

Me ala ki manier Bondie prouve ki kantite lamour li ena pou nou: letan nou ti ankor peser, Lekris finn mor pou nou.

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

Psom 145:8

Leker LESEGNER li ranpli ar tandres ek konpasion; difisil pou li fer koler parski so lamour infini deborde partou.

Let pou Romin 10:12

Pena okenn diferans ant Zwif ek non-Zwif; toule-de ena mem Segner ki beni avek labondans tou seki invok li,

1 Tim 1:14

Nou Segner finn vers lor mwa ankor plis lagras e li finn akord mwa lafwa ek lamour ki dan Zezi Kris.

Psom 86:5

Segner, to ranpli ar bonte ek pardon; to lamour infini pena born pou dimounn ki kriye twa.

2 Tim 1:9

Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Let pou Romin 9:23

E li finn fer sa pou montre rises so laglwar pou bann ki finn gagn so mizerikord, bann ki li finn prepare davans pou resevwar so laglwar.

Let pou Romin 2:4

Oubien to mepriz bonte, pasians ek tolerans Bondie, san ki to realize ki so bonte pe rod fer twa repanti?

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi koumansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

Lk 1:78

Par so tandres ek so mizerikord, nou Bondie pou avoy enn lalimier lor nou depi lao parey kouma soley pe leve.

Psom 51:1

Ena pitie pou mwa, Bondie, dan to gran lamour infini. Dan to gran mizerikord efas tou mo pese.