Ef 2:19 - Nouvo Testaman Kreol Morisien Harmonisation NTPS KM

¹⁹ Ala ki manier zot nepli etranze, ni imigre, me zot sitwayen ansam ar bann krwayan e manb lafami Bondie.

Nouvo Testaman dan Kreol Morisien

¹⁹ Ala kimanier zot nepli etranze, ni imigre, me zot sitwayin ansam ar bann krwayan e manm lafami Bondie.

Ef 2:19 Referans Kwoze

Let pou Filipien 3:20

Me nou, nou bann sitwayen lesiel e nou pe atann nou Sover ek Segner Zezi Kris vini, li ki sorti depi laba.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemond pa konn nou, parski li pa finn konn Bondie.

Ga 6:10

Alor, tan ki nou ena letan, anou travay pou bien tou dimounn spesialman pou bann ki pros avek nou dan lafwa.

Ef 2:12

Rapel ki sa lepok-la zot ti separe ar Lekris, zot ti andeor lepep Bondie, zot ti bann etranze. Zot pa ti ena okenn par dan bann lalians fonde lor promes Bondie. Zot ti san lesperans e san Bondie dan lemond.

Ef 3:6

Ala mister-la: bann non-Zwif gagn mem leritaz ki bann Zwif, zot manb mem lekor, e zot partaz mem promes dan Lekris Zezi par Bonn Nouvel.

Eb 11:13

Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Ef 3:15

limem Papa tou group dan lesiel ek lor later.

Mt 10:25

Enn disip bizin zis resanble so met ek esklav-la so patron. Si zot apel sef enn lakaz Belzeboul, mazine aster ki nom zot pou donn so fami.

Eb 13:14

Nou pena enn lavil permanan isi lor later; me nou pe atann sa lavil ki pe vini la.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki an dezakor ar zot lam.