Ef 2:17 - Nouvo Testaman Kreol Morisien Harmonisation NTPS KM

¹⁷ Lekris finn vinn anons lape ar zot ki ti lwin ek ar bann ki pre.

Nouvo Testaman dan Kreol Morisien

¹⁷ Lekris finn vinn anons lape ar zot ki ti lwin ek ar bann ki pre.

Ef 2:17 Referans Kwoze

Zistwar Bann Zapot 10:36

Zot konn mesaz ki li finn avoy lepep Izrael, enn Bonn Nouvel ki ena lape par Zezi Kris ki Lesegner tou dimounn.

Zistwar Bann Zapot 2:39

Sa promes-la li pou zot, zot zanfan, pou tou seki lwin e pou tou seki Lesegner nou Bondie pou apele.”

Let pou Romin 5:1

Aster-la ki nou finn zistifie par lafwa, nou ena lape avek Bondie atraver nou Segner Zezi Kris.

Psom 148:14

Li finn fer so pep vinn for; aster so bann fidel sant so laglwar; lepep Izrael, zotmem ki pre ar so leker. Alelouya, nou loue LESEGNER!

2 Ko 5:20

Alor dan nom Lekris, nou vinn bann anbasader, koumadir Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

Lk 2:14

“Laglwar pou Bondie lao e lape lor later ar tou seki li kontan.”

Mt 10:13

si sa bann dimounn-la tret zot bien, zot lape res lor zot, me si pa bien resevwar zot, repran zot lape.

Psom 85:10

Lamour infini ek fidelite pou mars lame dan lame; Drwatir ek lape pou existe kotakot.

Psom 75:1

Mersi Bondie, mersi! Nou selebre to nom, parski li pros ar nou. Dimounn rakonte touletan bann mirak extraordiner ki to finn fer.

Let pou Romin 10:14

Me kouma zot pou invok kikenn dan ki zot pa finn krwar? E kouma zot pou krwar dan kikenn, si zot pa finn tann koz li? E kouma zot pou tande si personn pa finn anons zot sa kikenn-la?

Ef 4:21

Sirman antan ki Krwayan zot finn tann koz li, e zot finn gagn lansegnman lor laverite dan Zezi.

Lk 15:8

“Si enn madam ki ena dis pies larzan perdi enn, eski li pa pou alim enn lalanp, balie lakaz e rode, rode mem, ziska ki li retrouv sa pies-la?