Ef 2:15 - Nouvo Testaman Kreol Morisien Harmonisation NTPS KM

¹⁵ Li finn aboli lalwa, ek so komannman ek so bann regleman. Li ti oule apartir Zwif ek non-Zwif kree enn nouvo pep dan linion avek li, ek etablir lape.

Nouvo Testaman dan Kreol Morisien

¹⁵ Li finn aboli lalwa, ek so komannman ek so bann regleman. Li ti oule apartir Zwif ek non-Zwif kre enn nouvo pep dan linion avek li, ek etablir lape.

Ef 2:15 Referans Kwoze

Let pou Kolosien 2:14

li finn rey sarz ki bann komannman ti pe fer pez lor nou; li finn fer li disparet, li finn koulout li lor lakrwa.

Ga 3:10

Dimounn ki depann lor lobeisans lalwa, li deza anba malediksion. Dan Lekritir finn dir: “Dimounn ki pa obzerv ek obeir tou seki finn ekrir dan lalwa pou modi.”

Eb 8:13

Letan li pe koz enn nouvo lalians, li ti pe fer sa premie lalians-la vinn ansien. E seki ansien e pe vinn vie pou disparet.

Let pou Kolosien 3:10

e zot finn adopte enn nouvo natir, ki pe kontign renouvle so konesans antan ki zimaz Bondie;

Let pou Kolosien 2:20

Zot finn mor avek Lekris, zot nepli soumi anba bann lafors sa lemond-la; kifer zot pou obeir bann regleman kouma dir zot lavi depann lor la:

Ga 6:15

Ki enn dimounn sirkonsi ou pa, sa pena okenn linportans; seki inportan se enn nouvo kreasion.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ef 4:16

Par li bann diferan parti lekor vinn ansam; lekor antie tini ansam par bann zwintir; alors koumsa mem li grandi e li devlope dan lamour.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Eb 7:16

kikenn ki finn vinn pret, pa par bann regleman legal konsernan so desandans imin, me par pouvwar enn lavi ki pa kapav detrir.

Eb 9:23

Si bann model kitsoz dan lesiel bizin pirifie par sa bann rit-la, alor bann realite lesiel merit meyer sakrifis ki sa.

Ef 2:10

Nou, nou louvraz Bondie, li finn fasonn nou, li finn kree nou dan Zezi Kris pou ki nou realiz bann bon aksion ki Bondie finn prepare davans.

Ef 2:14

Lekris, limem nou lape. Dan so laser li fer de pep ki divize vinn enn sel. Li finn kraz miray ostilite ki separ bann lennmi.

Ef 2:16

Par mwayin lakrwa li ti rekonsilie toule-de dan enn sel lekor avek Bondie. Par lakrwa li ti touy laenn.

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

Let pou Kolosien 3:15

Ki lape Lekris regn dan zot leker, pou samem ki zot tou finn apele pou form enn sel lekor. Viv dan rekonesans.