Ef 1:7 - Nouvo Testaman Kreol Morisien Harmonisation NTPS KM

⁷ Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Nouvo Testaman dan Kreol Morisien

⁷ Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Ef 1:7 Referans Kwoze

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

Let pou Romin 3:24

Me Bondie dan so bonte li zistifie dimounn gratwitman par delivrans ki Zezi Kris finn akonpli.

Let pou Kolosien 1:14

li finn delivre nou e li finn pardonn nou pese.

Eb 9:22

Dapre lalwa preske tou kitsoz bizin pirifie avek disan e bann pese pa pou pardone si disan pa verse.

Mt 26:28

parski samem mo disan, disan lalians ki mo verse pou tou dimounn e pou ki zot pese pardone.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

1 Zn 2:12

Mo bann zanfan, mo pe ekrir zot parski zot pese finn pardone akoz nom Zezi Kris.

Let pou Filipien 4:19

Mo Bondie pou donn zot seki zot bizin dapre so larises dan laglwar Zezi Kris.

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

Psom 130:7

Izrael, met to lesperans dan LESEGNER! Lamour LESEGNER li infini e li ena gran pouvwar pou sov nou.

Ef 3:16

Mo dimann li, dapre rises so laglwar, ki li fortifie zot leker par so Lespri.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Let pou Romin 2:4

Oubien to mepriz bonte, pasians ek tolerans Bondie, san ki to realize ki so bonte pe rod fer twa repanti?

1 Zn 2:2

Li finn ofer limem kouma sakrifis pou nou pese, pa zis pou nou tousel me osi pou pese lemond antie.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Zistwar Bann Zapot 2:38

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

1 Zn 4:10

Ala ki vedir lamour: pa nou ki finn kontan Bondie me Bondie ki finn kontan nou e li finn avoy so garson sakrifie limem pou nou pese.

Zistwar Bann Zapot 20:28

Vey lor zotmem e lor tou zot troupo kot Lespri Sin finn met zot gardien. Pran swin Legliz ki Bondie finn gagne pou limem par disan so prop Garson.

Psom 86:5

Segner, to ranpli ar bonte ek pardon; to lamour infini pena born pou dimounn ki kriye twa.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Zistwar Bann Zapot 10:43

Tou bann profet ti koz lor li. Zot ti dir seki krwar dan li pou resevwar pardon zot pese par pwisans so nom.”

Zn 20:23

Si zot pardonn pese dimounn, pese-la pou pardone, si zot tini pese dimounn, pese-la pou tini.”

Mk 14:24

Li dir zot ankor, “Samem mo disan, disan lalians; mo pe vers li pou tou dimounn.

Let pou Tit 3:6

Bondie finn repann an abondans Lespri Sin lor nou atraver Zezi Kris nou Sover,

1 Tim 2:6

ki finn met so lavi angaz pou liber tou dimounn. Bondie pe rann so temwaniaz dan ler ki ti fixe.

Let pou Kolosien 2:13

Zot ti finn mor akoz zot bann fot ek zot leker pa sirkonsi; aster Bondie finn donn zot lavi ar Lekris; li finn pardonn tou nou bann fot,

Let pou Kolosien 2:2

Mo anvi zot leker pran kouraz e reini dan lamour, pou ki zot gagn rises, konpreansion ek enn konesans total mister Bondie: sa mister-la se Lekris limem;

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Ef 2:4

Me akoz Bondie ena boukou-boukou konpasion, e li ena enn gran lamour pou nou,

Let pou Romin 9:23

E li finn fer sa pou montre rises so laglwar pou bann ki finn gagn so mizerikord, bann ki li finn prepare davans pou resevwar so laglwar.

Zistwar Bann Zapot 3:19

Alors, sanz zot leker e tourn ver Bondie pou ki li efas zot pese,

Lk 24:47

e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Lk 1:77

pou fer so lepep kone ki li pe vinn sov zot ler li pardonn zot pese.

Revelasion 14:4

Sa bann-la, zot pa ti rann zot inpir ar bann fam; zot ti gard zotmem prop. Zot ti swiv Agno partou kot li ti ale. Zot ti sove parmi bann imin parey kouma bann premie fri Bondie ek Agno,

Ef 1:6

Anou loue Bondie pou so laglwar ek so lagras ki li finn donn nou dan so Bieneme.

Psom 130:4

Akoz to aksepte pardonn nou, nou dwa twa respe ek reverans.

Mt 6:12

Pardonn nou nou bann pese, parey kouma nou pardonn bann ki finn ofans nou.

Let pou Romin 3:25

Bondie finn ofer li kouma sakrifis pou ki par lamor Lekris dimounn gagn pardon zot pese par lafwa ki zot ena dan li. Li ti fer sa pou montre so lazistis, parski dan so pasians li ti les bann pese ki ti komet avan res san pinision;

Ef 1:8

Bondie finn partaz so lagras an abondans ar nou e li finn ouver nou lespri e nou lintelizans.

Ef 1:14

Lespri Sin, li enn lavans lor leritaz ki Bondie rezerve pou so pep. Sa donn nou lasirans ki Bondie pou akord nou delivrans final. Anou donn li laglwar!

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,