Ef 1:17 - Nouvo Testaman Kreol Morisien Harmonisation NTPS KM

¹⁷ Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pou ki zot konn li plis ankor.

Nouvo Testaman dan Kreol Morisien

¹⁷ Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pouki zot konn li plis ankor.

Ef 1:17 Referans Kwoze

Proverb 2:5

Lerla, to pou konn respekte LESEGNER e vremem, to ava konn Bondie.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so aksion.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

Ef 1:3

Anou beni Bondie ki Papa nou Segner Zezi Kris. Dan nou linion avek Zezi Kris, Bondie finn beni nou ar tou kalite benediksion spiritiel lao dan lesiel.

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimounn ar ki so garson anvi revel li.

1 Ko 2:10

Abe, samem mister ki Bondie finn revel nou par so Lespri Sin. Lespri kapav examinn tou kiksoz, mem bann plan Bondie ki pli kasiet.

Ef 3:5

Bondie pa ti fer bann lezot zenerasion avan konn sa mister-la. Aster li finn revel li ar so bann Zapot ek profet par Lespri.

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Zistwar Bann Zapot 6:10

Me zot ti perdi pwin parski Lespri ti donn Etienn enn gran sazes.

Mt 6:13

Pa les nou tom dan tantasion Me tir nou dan lemal.’

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

2 Ko 12:1

Mo oblize fer vantar, mem si sa pa bon. Aster-la mo pou koz lor vizion ek revelasion ki Lesegner finn donn mwa.

Lk 21:15

Parski mo pou donn zot bann parol e enn sazes ki okenn adverser pa pou kapav reponn ek kontredir.

Psom 24:7

Bann portay! Ouver an gran zot batan. Ouver bann batan laport ansien, pou les Lerwa dan tou so laglwar rantre.

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

1 Ko 2:8

Okenn pwisans lemond pa ti konpran sa. Si zot ti konpran, zot pa ti pou krisifie Lesegner laglwar.

Let pou Romin 15:6

pou ki zot tou ansam ek enn sel lavwa zot loue Bondie, Papa nou Segner Zezi Kris.

Zn 16:3

parski zot pa finn konn ni mo Papa, ni mwa.

Zn 14:17

Limem Lespri laverite. Lemond pa kapav resevwar li parski li pa trouv li e pa konn li. Zot, zot konn li parski li res ar zot e li dan milie zot.

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Psom 24:10

Kisann-la sa gran Lerwa-la? LESEGNER, ki pli pwisan ki tou. Limem Lerwa ki ena tou laglwar!

Revelasion 7:12

Zot dir, “Amen! Louanz, laglwar, lasazes, rekonesans, loner, pwisans ek lafors pou Bondie pou touzour ek touzour, Amen”

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

Let Zak 2:1

Mo bann frer ek ser, kouma bann dimounn ki met zot lafwa dan Zezi Kris, nou Segner glorie, fode pa ki zot azir avek parsialite.

1 Ko 14:6

Get sa, si mo vinn kot zot ek mo koz an lang, kouma sa pou profit zot si mo parol pa amenn ni revelasion, ni konesans, ni profesi, ni lansegnman?

Lk 12:12

parski Lespri Sin pou montre zot dan sa ler-la ki pou dir.

Lk 2:14

“Laglwar pou Bondie lao e lape lor later ar tou seki li kontan.”

Psom 29:3

Lavwa LESEGNER rezone lor lamer; Bondie laglwar rezone kouma toner, LESEGNER rezone lor tou bann losean.

2 Tim 2:25

Bizin repran bann adverser avek douser ek imilite. Bondie kapav sanz zot leker ek fer zot trouv laverite.

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

Zistwar Bann Zapot 7:2

Etienn reponn, “Bann frer, bann gran dimounn, ekout mwa. Bondie dan so laglwar ti revel li ar nou anset Abraam letan li ti dan Mezopotami, avan ki li ti al res Aran.

Proverb 18:15

Enn dimounn intelizan touletan anvi aprann; enn saz touletan anvi ekout bon lansegnman.

Ef 4:13

Koumsa nou ariv ansam dan linite nou lafwa, dan nou konesans Garson Bondie; nou devlope pou vinn bann krwayan adilt ziska nivo grander Lekris.

Let pou Filipien 3:15

Nou, bann adilt dan lafwa, nou bizin ena mem preokipasion. Me si zot ena enn lot lopinion lor ninport ki size, Bondie pou ekler zot.

Mt 20:33

Zot reponn, “Segner, fer nou trouv kler.”