Eb 9:28 - Nouvo Testaman Kreol Morisien Harmonisation NTPS KM

²⁸ Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

Nouvo Testaman dan Kreol Morisien

²⁸ Alor Kris, ki finn ofer limem enn sel fwa pou efas pese enn kantite dimoun, li pou paret enn deziem fwa, non pa pou efas pese, me pou sov bann ki pe vremem atann so retour.

Eb 9:28 Referans Kwoze

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.

Let pou Romin 6:10

Akoz li finn mor, pese finn perdi tou pouvwar lor li. Pou samem pese li finn mor enn fwa pou tou; aster-la ki li vivan, li viv so lavi pou Bondie.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Let pou Romin 8:23

Me pa zis kreasion ki pe soupire. Nou osi; nou ki ena premie fri Lespri, nou soupire dan fon noumem pandan ki nou pe atann ki Bondie adopte nou, e akord nou delivrans total.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

Zistwar Bann Zapot 1:11

ki dir zot, “Bann abitan Galile, kifer zot pe kontign get lao dan lesiel koumsa? Sa Zezi-la ki finn separe ar zot pou al dan lesiel, pou retourne parey kouma zot finn trouv li ale.”

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Mt 26:28

parski samem mo disan, disan lalians ki mo verse pou tou dimounn e pou ki zot pese pardone.

2 Pi 3:12

Letan ki zot pe atann zour Lesegner, zot bizin fer tou zefor pou ki li vinn pli vit. Sa zour-la, lesiel pou pran dife ek disparet e bann zetwal pou fonn ar saler.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

1 Ko 15:54

Kan seki kapav pouri pou anvlope ar seki pa pouri zame, e letan seki kapav mor pou anvlope ar seki pa mor zame, lerla Lekritir pou realize kot finn dir: “Lamor finn anglouti dan laviktwar.”

Let pou Romin 8:3

Bondie finn akonpli seki inposib pou lalwa fer parski febles natir imin finn rann li inpwisan. Bondie finn kondann pese ki dan nou natir imin par so prop Garson ki li ti anvwaye dan enn natir imin parey kouma pou nou.

Zn 14:3

Kan mo pe ale mo pou al prepar enn plas pou zot; apre sa mo pou revini e mo pou vinn sers zot e la kot mo pou ete zot osi, zot pou ete.

Revelasion 1:7

Gete, li pe vini dan niaz! Tou dimounn pou trouv li, mem bann ki ti transpers li. Tou bann pep lor later pou rakonte. Wi koumsa mem sa pou ete. Amen.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

2 Tes 2:1

Frer ek ser, konsernan retour nou Segner Zezi Kris ek nou rasanbleman avek li, nou sipliy zot,

1 Ko 1:7

Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

Let pou Romin 5:15

Me nou pa kapav konpar sa de la; parski don gratwi Bondie pa parey kouma fot ki Adam finn fer. Enn kantite finn mor akoz fot sa enn dimounn-la; panse aster ki kantite dimounn finn touse par don gratwi ki Bondie finn done par lagras enn sel dimounn, Zezi Kris.

Eb 9:25

Kris pena pou ofer li plizir fwa parey kouma gran pret ki rant dan sanktier lane apre lane avek disan ki pa pou li;

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Mt 25:31

“Kan Garson Limanite vini dan so laglwar avek tou bann anz, li pou asiz lor so tronn rwayal.

Let pou Romin 3:25

Bondie finn ofer li kouma sakrifis pou ki par lamor Lekris dimounn gagn pardon zot pese par lafwa ki zot ena dan li. Li ti fer sa pou montre so lazistis, parski dan so pasians li ti les bann pese ki ti komet avan res san pinision;

Eb 1:14

Bann anz, eski zot pa zis bann lespri ki Bondie avoye pou servi tou seki pou sove?

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la an-premie, apre lezot ti prouv li par zot temwaniaz.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

Eb 7:27

Li pa kouma lezot gran pret, li pa bizin ofer sakrifis toulezour, dabor pou so prop pese apre pou pese lepep. Sa li finn fini fer enn sel fwa pou tou, kan li finn ofer limem an sakrifis.

Eb 10:10

Akoz Zezi Kris finn fer volonte Bondie, nou finn vinn sin atraver sakrifis lekor Zezi Kris enn fwa pourtou.

Eb 12:14

Sey viv anpe avek tou dimounn. Viv enn lavi sin, parski san sa, personn pa pou kapav trouv Lesegner.

Let Zid 1:21

gard zot touzour dan lamour Bondie; atann nou Segner Zezi Kris ki pou donn zot lavi eternel.