Eb 6:9 - Nouvo Testaman Kreol Morisien Harmonisation NTPS KM

⁹ Me zot, mo bann kamarad, nou kone ki mem si nou koz koumsa, zot lor bon sime delivrans.

Nouvo Testaman dan Kreol Morisien

⁹ Kanta zot, mo bann kamarad, nou kone ki mem si nou koz koumsa, zot lor bon sime ladelivrans.

Eb 6:9 Referans Kwoze

Eb 10:39

Nou, nou pa bann dimounn ki retourn an-aryer pou ki apre pou perdi. Okontrer nou ena lafwa e nou lor sime delivrans.

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la an-premie, apre lezot ti prouv li par zot temwaniaz.

2 Ko 7:10

Tristes ki Bondie servi li amenn enn sanzman leker ki sov nou e ki pena okenn regre; tristes dapre lemond li amenn lamor.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bann-la kokin tou zot dibien parski zot kone ki zot, zot posed kitsoz ankor pli meyer e ki pou reste pou touletan.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

1 Ko 10:14

Akoz sa, mo bann kamarad, zot bizin sove devan lidolatri.

Zistwar Bann Zapot 20:21

Mo finn rann temwaniaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Mk 16:16

Dimounn ki krwar ek resevwar batem pou sove, me dimounn ki pa krwar pou kondane.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Zistwar Bann Zapot 11:18

Kan bann-la tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

2 Ko 12:19

Tousa letan-la zot ti pe panse ki nou pe defann noumem devan zot? A non! Nou pe koz kouma Lekris ti pou anvi nou koze devan Bondie. Tousala, mo bann kamarad, li pou ki zot progrese dan zot lafwa.

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki an dezakor ar zot lam.

2 Pi 3:1

Mo bann frer ek ser, sa fer deziem let ki mo ekrir zot. Dan toule-de, mo finn sey rapel zot bann souvenir pou stimil zot lespri avek bon panse.

1 Zn 2:7

Mo bann frer ek ser bieneme, mo pa pe ekrir zot enn nouvo komannman, me enn vie komannman ki zot ti deza resevwar depi koumansman. Sa vie komannman-la, limem parol ki zot finn deza tande.

Let Zid 1:3

Mo bann kamarad, mo ti pe fer tou pou ekrir zot lor size ladelivrans ki nou ena an-komin, me mo finn trouv li neseser pou adres zot sa let-la, pou ankouraz zot pou lite dan lafwa ki Bondie finn donn so pep sin.