Eb 6:12 - Nouvo Testaman Kreol Morisien Harmonisation NTPS KM

¹² Pa vinn pares; kontigne swiv lexanp bann ki finn krwar avek perseverans e finn erit promes Bondie.

Nouvo Testaman dan Kreol Morisien

¹² Pa vinn pares; kontigne swiv lexanp bann ki finn krwar avek perseverans e finn erit promes Bondie.

Eb 6:12 Referans Kwoze

Eb 13:7

Mazinn zot bann ansien dirizan ki finn anons zot parol Bondie. Mazinn fason ki zot ti pe viv e kouma zot finn mor, e imit zot lafwa.

Eb 10:36

Zot bizin landirans pou ki letan zot finn fer volonte Bondie, zot kapav resevwar seki li finn promet zot.

1 Zn 2:25

Samem ki li finn promet nou: lavi eternel.

Let pou Romin 12:11

Travay dir ek pa fer pares. Servi Lesegner avek enn lespri fervan.

Eb 5:11

Lor sa size-la, nou ena boukou pou dir, me li difisil pou explike, parski zot pran letan pou konpran.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

Let Zak 1:3

parski zot kone, kan zot lafwa pas par leprev, sa fer zot gagn landirans.

Eb 12:1

Alor parski nou osi nou ena enn lafoul temwin otour nou, anou debaras tou fardo ki lor nou sime ki anpes nou bouze, ek pese ki pe pez lor nou. Anou galoup lekours ki finn met devan nou avek determinasion.

Eb 1:14

Bann anz, eski zot pa zis bann lespri ki Bondie avoye pou servi tou seki pou sove?

Let pou Romin 4:12

Sa fer Abraam vinn papa tou dimounn ki finn fer sirkonsizion, pa akoz sirkonsizion-la, me parski zot ena lafwa dan Bondie, parey kouma Abraam ti fer avan so sirkonsizion.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Proverb 18:9

Enn dimounn ki pares, li frer avek destrikter.

Revelasion 13:10

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.

Eb 11:33

Par lafwa, zot finn gagn laviktwar lor bann rwayom, zot finn fer seki drwat ek resevwar bann promes Bondie. Zot finn ferm lagel bann lion;

Eb 6:15

Abraam finn atann avek pasians e li finn gagn seki Bondie ti promet li.

2 Tes 1:4

Akoz samem nou koz lor zot avek boukou fierte dan Legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Mt 22:32

‘Momem Bondie Abraam, Bondie Izaak, ek Bondie Zakob?’ Li pa Bondie bann mor me Bondie bann vivan.”

Proverb 15:19

Sime bann pares ranpli ar pikan; me lor sime bann ki onet pena obstak.

Proverb 13:4

Enn dimounn ki pares, so dezir zame abouti. Fer zefor! Travay dir, e tou to dezir pou realize.

Proverb 12:24

Dimounn ki travay dir pou gagn pouvwar; me bann pares pou vinn esklav.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

Lk 16:22

Arive ki pov malere-la mor e bann anz amenn li pre kot Abraam. Ris-la osi mor e zot anter li.

Mt 25:26

Patron-la reponn li, ‘Eta move serviter pares! To bien kone ki mo rekolte kot mo pa finn plante, e mo ramas kot mo pa finn seme?

Proverb 2:20

Alor, swiv sime bon dimounn, e imit bann ki pratik lazistis.

Proverb 28:10

Tou seki antrenn bon dimounn dan sime lemal, pou tom dan zot prop piez. Me bann dimounn onet pou konn enn lavenir ere.

Proverb 26:14

Enn laport vire-tourne lor so gon; enn pares vire-tourne lor so lili.