Eb 4:9 - Nouvo Testaman Kreol Morisien Harmonisation NTPS KM

⁹ Alor ena enn repo ki parey kouma saba ki ankor rezerve pou pep Bondie;

Nouvo Testaman dan Kreol Morisien

⁹ Alor ena enn repo ki parey kouma saba ki res anrezerv pou pep Bondie;

Eb 4:9 Referans Kwoze

1 Pi 2:10

Avan, zot pa ti so pep, me aster-la, zot pep Bondie; avan, zot pa ti ankor ena mizerikord, me aster-la, zot ena mizerikord.

Revelasion 21:4

Li pou souy tou larm dan zot lizie. Pa pou ena ni lamor, ni dey, ni lamantasion, ni douler. Tousala parski vie lemond finn disparet.”

Eb 4:3

Nou ki finn krwar, nou finn resevwar sa repo ki Bondie ti promet la, ler li ti dir; “Dan mo koler mo ti fer serman, zame zot pa pou rant dan mo repo.” Li ti dir sa, mem si so travay ti finn konplete depi kreasion lemond.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.

Eb 11:25

Li ti prefer gagn maltrete ansam ar pep Bondie olie ki fer so leker kontan par plezir pese, ki zis pou enn ti moman.

Eb 3:11

Dan mo koler mo ti fer enn serman: ‘Zame zot pa pou kapav vini e repoz avek mwa.’ ”

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Mt 1:21

Li pou donn nesans enn garson e to pou apel li Zezi. Avredir limem pou sov so pep ki dan pese.”

Psom 47:9

Tou bann dirizan lezot nasion rasanble avek lepep Bondie ki Abraam ti priye. Tou pouvwar lor later pou Bondie limem ki pli lao ki tou.

Eb 4:8

Ofet si Zozwe ti finn kondir lepep dan sa repo-la, Bondie pa ti pou koz lor enn lot zour.

Eb 4:10

parski dimounn ki rant dan repo Bondie, li osi pran repo dan so travay parey kouma Bondie osi finn fer.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”