Eb 3:5 - Nouvo Testaman Kreol Morisien Harmonisation NTPS KM

⁵ Moiz finn fidel dan tou lakaz Bondie kouma enn serviter, pou rann temwaniaz lor bann kiksoz ki Bondie pou dir apre.

Nouvo Testaman dan Kreol Morisien

⁵ Moiz finn fidel dan tou lakaz Bondie kouma enn serviter, pou rann temwagnaz lor bann kiksoz ki Bondie pou dir apre.

Eb 3:5 Referans Kwoze

Eb 3:2

Li finn fidel ar Bondie ki finn nom li, parey kouma Moiz ti fidel dan lakaz Bondie.

Psom 105:26

Lerla li ti avoy so serviter Moiz ek Aaron ki limem ti swazir.

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimounn ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Eb 8:5

Seki sa bann pret-la fer, li zis enn kopi seki pe pase dan lesiel. Li resanble seki ti arive avek Moiz letan li ti pe rod konstrir latant. Bondie ti dir li, “Tansion! Fer tou dapre model ki ti montre twa lor montagn.”

1 Tim 1:12

Mo rann gras Zezi Kris nou Segner, mo lafors, parski li finn fer mwa konfians, li finn swazir mwa kouma so serviter.

Eb 9:24

Kris pa finn rant dan enn sanktier ki finn konstrir par bann imin, ki nek enn kopi, me li finn rant dan lesiel mem, pou ki aster-la mem li prezant li devan Bondie dan nou faver.

Let pou Romin 3:21

Me aster-la Bondie finn montre nou kouma li rann nou drwat devan li, san ki bizin lalwa. Liv Lalwa ek liv profet rann temwaniaz lor la.

Zn 5:39

Zot fouy dan Lekritir parski zot mazine ki ladan ena lavi eternel; zisteman tou seki ena ladan donn enn temwaniaz lor mwa.

Lk 24:44

Li dir zot, “Samem parol ki mo ti dir zot kan mo ti avek zot parski tou seki finn ekrir lor mwa dan Lalwa Moiz, Liv bann Profet e bann Psom, ti bizin realize.”

Lk 24:27

Lerla li pran depi Moiz ek tou bann profet pou explik zot tou seki finn ekrir lor li dan Lekritir.

1 Ko 4:2

Enn responsab bizin montre limem fidel.

Zistwar Bann Zapot 7:37

Moiz mem ankor ki dir bann Izraelit, ‘Bondie pou avoy zot enn profet kouma mwa ki pou enn manb zot pep.’

Lk 12:42

Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler?

Mt 25:21

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

Mt 24:45

“Ki sa serviter fidel ek bien serye, lor ki so patron kapav konte pou servi manze tou so bann travayer dan ler ki bizin?

Eb 1:1

Dan lepase, Bondie ti koz boukou fwa ar nou bann anset atraver bann profet, dan diferan manier ek diferan fason.

Eb 3:4

Tou lakaz, li konstrir par kikenn, me Bondie limem konstrikter tou kiksoz.

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!