Eb 13:22 - Nouvo Testaman Kreol Morisien Harmonisation NTPS KM

²² Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

Nouvo Testaman dan Kreol Morisien

²² Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

Eb 13:22 Referans Kwoze

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

Eb 3:1

Alor mo bann frer, mo bann ser Kretien, zot ki partaz enn lapel ki sorti dan lesiel, konsider Zezi kouma enn zapot e enn gran pret ki nou lafwa proklame.

Ga 6:11

Zot trouve, mo pe ekrir zot sa bann gro-gro let-la avek mo prop lame.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

2 Ko 5:20

Alor dan nom Lekris, nou vinn bann anbasader, koumadir Bondie pe fer so lapel atraver nou; dan nom Lekris nou sipliye zot: les zot rekonsilie avek Bondie.

Eb 4:11

Anou fer tou zefor pou rant dan sa repo-la pou ki personn ant nou pa tonbe akoz dezobeisans parey kouma nou anset ti fer.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.

Eb 2:1

Akoz samem nou bizin res ferm avek seki nou finn tande, pou ki nou pa derape.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

Zistwar Bann Zapot 13:15

Kouma fini lir liv Lalwa ek liv Profet, bann sef sinagog fer dir zot, “Mo bann frer, si zot ena kit mesaz pou ankouraz bann dimounn ki la, zot kapav koze.”

Ef 3:3

setadir, ki manier par revelasion, mo finn gagn konesans so mister. Mo finn fini fer enn ti rezime lor la avan.

Eb 12:5

Eski zot finn bliye parol lankourazman ki Bondie finn adres zot kouma so zanfan: “Mo garson, pran sa serye kan Lesegner koriz twa e pa bizin dekouraze kan li repros twa,

Eb 13:19

Mo dimann zot pou priye spesialman pou ki Bondie retourn mwa pli vit ankor kot zot.