Eb 13:15 - Nouvo Testaman Kreol Morisien Harmonisation NTPS KM

¹⁵ Alor anou kontign ofer Bondie nou louanz kouma enn sakrifis, setadir fri bann parol ki rekonet li kouma Segner.

Nouvo Testaman dan Kreol Morisien

¹⁵ Alor anou kontign ofer Bondie nou louanz kouma enn sakrifis, setadir fri bann parol ki rekonet li kouma Segner.

Eb 13:15 Referans Kwoze

Psom 50:14

Ofer Bondie enn sakrifis aksiondegras. Onor zot promes ki zot finn fer ar Bondie Toupwisan.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

1 Pi 2:5

Zot osi, parey kouma bann ros vivan, pran zot plas dan konstriksion enn lakaz spiritiel. Form enn kominote pret ki konsakre pou Bondie, pou kapav ofer bann sakrifis spiritiel ki fer Bondie plezir atraver Zezi Kris.

Psom 50:23

Mo bizin zis zot rekonesans. Sel sakrifis ki ena valer pou mwa. Obeir mwa e mo pou sov zot.”

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

1 Pi 4:11

Si kikenn koze, li bizin transmet mesaz Bondie; seki servi, li bizin servi avek lafors ki sorti kot Bondie, pou ki par Zezi Kris, nou kapav glorifie Bondie dan tou kiksoz.

Ef 2:18

Par Lekris nou tou, Zwif ek non-Zwif, nou kapav prezant nou devan Bondie Papa dan enn sel Lespri.

Psom 118:19

Ouver laport Tanp ki rezerve pou bann fidel; mo pou al andan pou dir mersi LESEGNER.

Psom 18:49

Pou tousala, SEGNER, mo pou dir to grander parmi bann nasion ki pa konn twa; e for-for mo pou sant to louanz.

Eb 7:25

Alor, samem li kapav sov dimounn ki vinn kot Bondie atraver li, parski li touzour vivan pou pled dan zot faver.

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Let pou Romin 6:19

Mo pe explik sa dan langaz sinp parski zot natir feb. Parey kouma zot ti abitie livre zot lekor pou esklavaz inpirte ek lemal ki deplizanpli pe grandi, aster-la ofer zotmem kouma esklav lavi drwat devan Bondie ki pou amenn zot ver enn lavi sin.

Zn 10:9

Momem laport; seki pas par mwa, mo pou sov li, li pou kapav rantre sorti kouma li anvi e pou touzour ena patiraz pou li.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Lk 10:21

Lerla mem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Psom 119:108

Aksepte mo lapriyer aksiondegras, SEGNER, e ansegn mwa to bann leson.

Eb 12:28

Alor, anou montre nou rekonesans, parski nou resevwar enn rwayom ki pa tranble. Anou ador Bondie avek reverans ek lakrint;