Eb 13:1 - Nouvo Testaman Kreol Morisien Harmonisation NTPS KM

¹ Kontigne kontan zot kamarad kouma bann frer ek ser.

Nouvo Testaman dan Kreol Morisien

¹ Kontigne kontan zot kamarad kouma bann frer ek ser.

Eb 13:1 Referans Kwoze

1 Zn 4:20

Si kikenn dir, “Mo kontan Bondie”, apre li ayir so frer ek ser, li enn manter. Si li pa kontan so frer oubien so ser ki li trouve ar so lizie, li pa kapav kontan Bondie ki li pa trouve.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

2 Pi 1:7

avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

1 Pi 2:17

Respekte tou bann imin, kontan zot bann frer ek ser dan lafwa, ador Bondie e respekte lanperer.

Eb 10:24

Anou panse kouma nou kapav ankouraz nou kamarad pou ena lamour ek pou fer dibien.

2 Tes 1:3

Nou bann frer ek ser, nou bizin touzour rann gras Bondie pou zot. Li bien ki nou fer sa, parski zot lafwa pe boukou grandi, e lamour ki sakenn ena ant zot pe osi grandi.

1 Pi 4:8

Avan tou, kontan zot kamarad, parski lamour pou fer zot pardonn boukou pese lezot.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Ga 5:13

Me zot, mo bann frer ek ser, finn apel zot pou ki zot lib. Selman fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Revelasion 2:4

Ala seki mo ena kont twa: to nepli kontan mwa parey kouma dan koumansman.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Zn 15:17

Mo donn zot enn komannman: kontan zot prosin.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Ef 4:3

Fer zefor pou gard linite Lespri par lape ki tini zot ansam.

Zistwar Bann Zapot 4:32

Sa group krwayan la ti ena enn sel leker, enn sel lespri; personn pa ti dir ki so dibien pou li tousel sa, me zot ti met tou ansam an kominote.

Zistwar Bann Zapot 2:1

Kan zour Lapantkot ti arive, tou bann krwayan ti reini ansam dan mem landrwa.

Psom 133:1

Ala li zoli la! Sa ki enn plezir sa! Lepep Bondie viv dan larmoni ek lakorite!