Eb 12:25 - Nouvo Testaman Kreol Morisien Harmonisation NTPS KM

²⁵ Tansion! Pa refiz ekout dimounn ki pe koz ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

Nouvo Testaman dan Kreol Morisien

²⁵ Tansion! Pa refiz ekout dimoun ki pe koze ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

Eb 12:25 Referans Kwoze

Eb 8:5

Seki sa bann pret-la fer, li zis enn kopi seki pe pase dan lesiel. Li resanble seki ti arive avek Moiz letan li ti pe rod konstrir latant. Bondie ti dir li, “Tansion! Fer tou dapre model ki ti montre twa lor montagn.”

Eb 11:7

Par so lafwa, Noe finn tann warning Bondie lor kitsoz ki pou arive, ki li pa ti ankor trouve. Li finn obeir Bondie e finn aranz enn bato, e sa bato-la finn permet li sov lavi so fami. Par sa, Noe finn kondann lemond, e akoz so lafwa, Bondie finn konsider li kouma enn eritie lazistis.

Proverb 13:18

Si to refiz aprann, to pou res pov e lezot pou mepriz twa; me si to aksepte koreksion enn profeser, to pou gagn loner.

Mt 8:4

Zezi dir li, “Ekout bien, pa rakont sa personn, me al get enn pret, donn seki Moiz finn dir pou pirifikasion; sa pou enn temwaniaz pou lezot.”

Proverb 8:33

Ekout mo bann konsey; zame pa rezet bann konsey-la, e zot pou vinn saz.

Proverb 1:32

Bann ti-lespri pou mor dan zot mesanste, bann fezer pou detrir ar zot prop lorgey.

Proverb 1:24

Kan mo finn apel zot, zot pa finn ekoute; Kan mo finn ouver mo lebra, zot finn vir zot ledo;

2 Tim 4:4

Zot pou tourn ledo ar laverite pou ekout toutsort kalite zistwar.

1 Tes 5:15

Asir zot ki personn pa rann lemal par lemal, me rod touzour fer seki bien ant zot e pou tou lezot dimounn.

Zistwar Bann Zapot 7:35

Ar Moiz mem ki bann Izraelit ti poz enn kestion, letan zot ti rezet li, zot ti dir, ‘Kisann-la finn fer twa sef ek ziz lor nou?’ Samem Moiz ki Bondie finn avoye kouma sef ek liberater so lepep avek led anz ki ti paret dan bwison ardan.

Proverb 15:32

Si to ignor bon konsey, to fer tomem ditor; me si to aksepte zot, to vinn pli saz.

Eb 3:17

Kont kisann-la Bondie ti ankoler pandan sa karant-an-la? Pa kont bann ki ti fer pese e ki zot kadav ti tom dan dezer?

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

Revelasion 22:9

Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv-la. Bondie ki to bizin adore.”

Revelasion 19:10

Alor mo tom azenou pou ador li, me li dir mwa, “To pa fer sa! Mo enn koleg serviter avek twa ek to bann kamarad, bann temwin fidel Zezi. Bondie ki to bizin adore parski temwaniaz Zezi, samem lespri ki inspir bann profet.”

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Eb 1:1

Dan lepase, Bondie ti koz boukou fwa ar nou bann anset atraver bann profet, dan diferan manier ek diferan fason.

Eb 3:12

Pran kont, mo bann frer, mo bann ser, pou ki personn parmi zot pa ena enn leker move ek dezobeisan, ki kapav separ li avek Bondie vivan.

Eb 12:19

tapaz tronpet ek son enn lavwa. Bann ki ti tann sa lavwa-la, zot ti refiz ekoute.