Eb 11:13 - Nouvo Testaman Kreol Morisien Harmonisation NTPS KM

¹³ Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Nouvo Testaman dan Kreol Morisien

¹³ Zot tou finn mor dan lafwa san ki zot finn resevwar bann promes Bondie, me zot finn kontan parski zot finn trouv li delwin. Zot ti konfese ki zot bann etranze ek exile lor later.

Eb 11:13 Referans Kwoze

Eb 11:27

Par lafwa, Moiz ti kit Lezip, san ki li gagn per lakoler lerwa; li ti tini ferm parski li finn trouv Bondie invizib.

Psom 39:12

Ekout mo lapriyer, SEGNER; tann mo douler kriye; vinn ed enn malere ki pe soufer. Kouma tou mo bann anset, mo enn etranze, mo vizit kot twa li bien kourt.

Zn 8:56

Zot papa Abraam ti dan lazwa kan li ti kone ki li pou trouv mo zour. Li finn trouv li, li finn kontan.”

Eb 11:39

Akoz zot lafwa, zot tou finn resevwar enn bon temwaniaz, me pourtan zot pa finn trouv promes Bondie realize.

Ef 2:19

Ala ki manier zot nepli etranze, ni imigre, me zot sitwayen ansam ar bann krwayan e manb lafami Bondie.

Let pou Romin 8:24

Se dan lesperans ki nou finn sove. Me si nou trouv seki nou pe espere, li nepli lesperans ditou. Kisann-la ki esper kiksoz ki li deza ena?

1 Pi 2:11

Mo bann kamarad, mo dimann zot antan ki etranze ek exile lor later, pa rant dan piez instale par bann dezir imin ki an dezakor ar zot lam.

1 Pi 1:17

Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

Let pou Romin 4:21

Li ti ena lasirans ki Bondie ena pwisans pou akonpli so promes.

1 Zn 3:19

Par sa nou kone ki nou dan laverite e nou leker kler devan Bondie.

Mt 13:17

Laverite, mo dir zot, boukou profet ek dimounn ki viv drwat devan Bondie ti anvi trouv seki zot finn trouve, me zot pa finn trouve; e ti anvi tann seki zot finn tande, me zot pa finn tande.”

Psom 119:19

Mo sezour lor later li kourt; pa kasiet mwa to bann komannman.

Zn 12:41

Izai finn koz lor Zezi parski li finn trouv so laglwar.

2 Ko 4:18

Nou pa port nou latansion lor seki vizib, me lor seki invizib. Seki vizib li pou enn tan, seki invizib li eternel.

2 Ko 5:6

Alors nou touletan ena konfians; e nou kone ki tanki nou dan sa lekor-la, nou lwin ar Lesegner.

Eb 11:14

Dimounn ki ti koz koumsa montre ki zot ti pe ankor rod enn pei pou zot etabli.

Eb 11:17

Kan Bondie ti teste Abraam, par lafwa li ti ofer Izaak kouma sakrifis. Abraam ki finn resevwar promes Bondie, ti pre pou sakrifie so sel garson.

1 Pi 1:1

Mwa, Pier, enn Zapot Zezi Kris, mo pe ekrir zot, pep ki Bondie finn swazir e ki pe viv an exil inpe partou dan Pon, Galasi, Kapados, Lazi ek Bitini.