Eb 10:39 - Nouvo Testaman Kreol Morisien Harmonisation NTPS KM

³⁹ Nou, nou pa bann dimounn ki retourn an-aryer pou ki apre pou perdi. Okontrer nou ena lafwa e nou lor sime delivrans.

Nouvo Testaman dan Kreol Morisien

³⁹ Nou, nou pa bann dimoun ki retourn anaryer pouki apre pou perdi. Okontrer nou ena lafwa e nou lor sime delivrans.

Eb 10:39 Referans Kwoze

1 Zn 5:5

Kisann-la ki gagn laviktwar lor lemond? Zis dimounn ki krwar ki Zezi li Garson Bondie.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

Mk 16:16

Dimounn ki krwar ek resevwar batem pou sove, me dimounn ki pa krwar pou kondane.

1 Zn 5:16

Si kikenn trouv so frer oubien so ser pe komet enn pese ki pa mortel, li bizin priye e Bondie pou donn lavi sa dimounn-la. Sa li aplik pou tou pese ki pa mortel. Ena pese ki mortel; mo pa pe dir zot priye pou sa.

2 Pi 3:7

Me, sa mem parol-la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

Eb 11:1

Lafwa vedir enn lasirans dan bann kitsoz ki to pe atann e enn konviksion dan kitsoz ki to pa trouve.

1 Tes 5:9

Bondie pa finn fer nou pou soufer pinision me pou gagn delivrans par nou Segner Zezi Kris,

Zn 17:12

Kan mo ti avek zot, mo ti gard zot tou par pouvwar to nom ki to finn donn mwa; mo finn vey lor zot, e personn pa finn perdi exsepte sa dimounn ki ti bizin perdi la pou ki Lekritir akonpli.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Lk 11:26

Lerla li al rod set lespri pli move ki li, e zot rant dan lakaz-la e zot instal zot. Leta dimounn-la vinn pli pir ki avan.”

Psom 44:18

Nou leker pa finn bliye twa, nou pa finn kit larout ki to finn trase.

2 Tes 2:3

Dan ninport ki fason, pa les personn anbet zot parski sa zour-la pa pou arive avan ki gran rebelion kont Bondie arive e sef rebel ki finn destine pou detrir pou aparet.

Zn 20:31

Tousala finn ekrir pou ki zot krwar ki Zezi-mem Lekris, Garson Bondie e pou ki bann seki krwar gagn lavi par so nom.

Proverb 14:14

Move dimounn azir mal e zot pey konsekans; bon dimounn fer bon aksion e zot gagn rekonpans.

Proverb 1:32

Bann ti-lespri pou mor dan zot mesanste, bann fezer pou detrir ar zot prop lorgey.

Revelasion 17:11

Bebet ki ti existe lontan la e ki nepli la, limem enn witiem lerwa, me li fer parti sa group set la, e li pa pou sape.

Eb 10:26

Si nou persiste dan pese apre ki nou finn konn laverite, pena okenn sakrifis ankor ki pou kapav efas pese;

1 Tim 6:9

Me bann ki anvi vinn ris, zot tom dan tantasion. Zot bann move dezir met zot dan latrap, e samem ki amenn dimounn dan perdision.

Zn 5:24

Vremem laverite mo dir zot, dimounn ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.

Eb 10:38

Me dimounn ki pou krwar dan mwa pou viv par lafwa, me si li derape, mo pa pou satisfe ar li.