3 Zn 1:8 - Nouvo Testaman Kreol Morisien Harmonisation NTPS KM

⁸ Se pou sa, ki nou bizin soutenir bann dimounn koumsa, pou ki nou kapav vinn bann kolaborater dan laverite.

Nouvo Testaman dan Kreol Morisien

⁸ Alors, bann dimoun koumsa, nou bizin soutenir zot pouki nou kapav vinn bann kolaborater laverite.

3 Zn 1:8 Referans Kwoze

3 Zn 1:10

Ler mo pou vini, mo pou denons so bann fos akizasion e so bann move manier; bann palab ki li pe fer lor nou. Li finn mem refiz akeyir bann frer e bann ser, li finn anpes bann lezot ki ti anvi akeyir zot e met zot deor dan legliz.

Let pou Filemon 1:24

Mark osi, Aristark, Delmas ek Lik mo bann kamarad travay.

Let pou Filemon 1:2

Nou ser Apia, Arsipous nou kamarad dan lalit ek tou bann manb legliz ki reini dan to lakaz:

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

Let pou Kolosien 4:11

Zezi ousi ki apel Zistis avoy zot so bonzour. Parmi bann Zwif, zot tousel travay ek mwa pou Rwayom Bondie, zot mo konsolasion.

Let pou Filipien 4:3

Mo pe osi dimann twa, mo partner, fidel pou ed sa bann fam-la parski zot finn konbat ansam avek mwa pou propaz Bonn Nouvel parey kouma Kleman ek leres bann kolaborater finn fer. Zot nom finn ekrir dan liv lavi.

2 Ko 8:23

Konsernan Tit, li mo konpagnon e li travay ansam ar mwa pou ed zot; bann lezot frer ki pe akonpagn li, zot reprezant bann Legliz e zot pe azir pou laglwar Lekris.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Lk 11:7

Si seki dan lakaz-la reponn, ‘Pa deranz mwa, mo finn fini met lakle dan laport, mo bann zanfan ek mwa lor lili e mo pa kapav leve pou donn twa dipin.’

Mt 10:40

“Dimounn ki akeyir zot, akeyir mwa, dimounn ki akeyir mwa, pe akeyir Sa-Enn ki finn avoy mwa la.

Mt 10:14

Si personn pa resevwar zot oubien refiz ekout zot parol, tap zot lipie e tir tou lapousier letan zot kit lakaz-la ou lavil-la.

3 Zn 1:7

Sa vwayaz-la, zot finn fer li pou laglwar Zezi Kris. Zot pa finn gagn okenn led avek bann non-krwayan.

3 Zn 1:9

Mo finn ekrir enn ti let Legliz; me Diotref, ki kontan touzour met li an-avan, pa finn aksepte nou lotorite.

Psom 94:16

Kisann-la ti defann mwa kont bann azan lemal? Kisann-la ti dibout ar mwa kont bann ki fer lemal?