3 Zn 1:11 - Nouvo Testaman Kreol Morisien Harmonisation NTPS KM

¹¹ Kamarad, pa bizin imit seki mal me imit seki bien. Dimounn ki fer dibien li avek Bondie; dimounn ki fer lemal li pa konn Bondie.

Nouvo Testaman dan Kreol Morisien

¹¹ Kamarad, pa bizin imit saki mal me imit saki bien. Dimoun ki pratik lebien li avek Bondie; dimoun ki pratik lemal li pa konn Bondie.

3 Zn 1:11 Referans Kwoze

Psom 37:27

Rezet lemal e fer dibien, zot pou kontinie viv lor later promiz

Ef 5:1

Zot, bann zanfan ki Bondie kontan, zot bizin imit li.

1 Pi 3:11

Zot bizin rezet lemal e fer dibien; Zot bizin lite an faver lape ar tou lafors zot leker.

Zn 3:20

Parski tou dimounn ki fer lemal deteste lalimier e li pa vinn dan lalimier pou ki so bann move aksion pa paret okler.

Psom 34:14

Evit lemal e fer dibien; fer zefor pou ki lape fleri partou.

1 Pi 3:13

E kisann-la pou fer zot ditor si zot vremem anvi fer dibien?

2 Tim 3:10

Twa Timote, to konn mo lansegnman ek manier ki mo viv. To konn mo proze, mo lafwa, mo pasians, mo lamour, mo landirans

1 Zn 2:29

Si zot kone ki Lekris zis, alor zot osi rekonet ki tou dimounn ki fer seki zis, li enn zanfan Bondie.

1 Tes 2:14

Ofet, mo bann frer ek ser, zot finn swiv lexanp bann dimounn ki dan legliz Bondie dan Zide ki krwar dan Zezi Kris. Zot prop pep finn persekit zot, parey kouma bann-la ti sibir ar bann Zwif,

1 Tes 1:6

Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

Zn 12:26

Si kikenn anvi servi mwa, fode li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Zn 10:27

Mo brebi tann mo lavwa, mo konn zot e zot swiv mwa.

Eb 6:12

Pa vinn pares; kontigne swiv lexanp bann ki finn krwar avek perseverans e finn erit promes Bondie.

1 Ko 11:1

Swiv mo lexanp, parey kouma mo swiv lexanp Lekris.

1 Ko 4:16

Alors mo sipliy zot, swiv mo lexanp.

Proverb 12:11

Enn planter ki travay dir, so grenie ranpli; enn inbesil perdi letan ar tou seki initil.

Let pou Filipien 3:17

Mo bann frer, mo bann ser, zot tou bizin imit mwa. Nou finn donn bon lexanp, alor obzerv bien bann ki kondir zot dapre sa bon lexanp-la.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.