2 Zn 1:7 - Nouvo Testaman Kreol Morisien Harmonisation NTPS KM

⁷ Boukou manter finn vinn dan lemond, bann ki pa aksepte ki Zezi Kris finn vinn imin; sa bann dimounn-la, zot enn bann manter, zot antikris.

Nouvo Testaman dan Kreol Morisien

⁷ Boukou manter finn vinn dan lemonn, bann ki pa aksepte ki Zezi Kris inn vinn imin; sa bann dimoun la, zot enn bann manter, zot antikris.

2 Zn 1:7 Referans Kwoze

1 Zn 2:26

Mo pe ekrir sa lor size bann dimounn pe rod tronp zot.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.