2 Zn 1:12 - Nouvo Testaman Kreol Morisien Harmonisation NTPS KM

¹² Mo pou ena ankor boukou kiksoz pou dir zot, me mo prefer pa servi papie ek lank. Mo espere vinn kot zot e koz avek zot fasafas, pou ki nou lazwa li konplet.

Nouvo Testaman dan Kreol Morisien

¹² Mo pou ena ankor boukou kiksoz pou dir zot, me mo prefer pa servi papie ek lank. Mo espere vinn kot zot e koz avek zot fasafas, pouki nou lazwa li konplet.

2 Zn 1:12 Referans Kwoze

Zn 16:12

Mo ena ankor boukou kiksoz pou dir zot me li tro lour pou zot, aster-la;

Zn 15:11

Mo finn dir zot tousala pou ki mo lazwa res dan zot e ki zot lazwa konple dan enn gran lazwa.

1 Zn 1:4

Nou pe ekrir tousala pou ki nou lazwa li konple.

Eb 13:19

Mo dimann zot pou priye spesialman pou ki Bondie retourn mwa pli vit ankor kot zot.

Let pou Romin 15:24

Mo espere li pou posib letan mo lor larout pou al Lespagn, e ki zot kapav asiste mwa dan mo vwayaz apre ki mo finn pas enn bon moman avek zot.

Zn 17:13

Aster-la mo pe vinn kot twa e mo pe dir tousala dan lemond pou ki zot leker deborde ar mo lazwa.

Zn 16:24

Ziska aster-la, zot pa finn demann nanye lor mo nom; demande, zot pou resevwar, lerla zot pou ranpli ar lazwa.

Eb 13:23

Mo anvi fer zot kone ki nou frer Timote finn sorti dan prizon. Si li pa tarde pou vini, mo pou kapav amenn li avek mwa kan mo vinn get zot.

Let pou Filemon 1:22

Anmemtan to prepar enn lasam pou mwa, parski mo pe espere gagn mo liberte par zot lapriyer.

2 Tim 1:4

Kan mo rapel to larm, mo anvi trouv twa, pou mo leker kontan.

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad-la dan lazwa letan li tann lavwa nouvo marye. Akoz samem aster, mo lazwa li bien-bien gran.

3 Zn 1:10

Ler mo pou vini, mo pou denons so bann fos akizasion e so bann move manier; bann palab ki li pe fer lor nou. Li finn mem refiz akeyir bann frer e bann ser, li finn anpes bann lezot ki ti anvi akeyir zot e met zot deor dan legliz.