2 Zn 1:1 - Nouvo Testaman Kreol Morisien Harmonisation NTPS KM

¹ Mwa, Ansien, mo pe ekrir sa Madam ki Bondie finn swazire ek so bann zanfan, ki vremem mo kontan. Pa mo tousel ki kontan zot, me tou bann dimounn ki konn laverite,

Nouvo Testaman dan Kreol Morisien

¹ Mwa, Ansien, mo pe ekrir sa Madam ki Bondie finn swazire ek so bann zanfan, ki vremem mo kontan. Pa mo tousel ki kontan zot, me tou bann dimoun ki konn laverite,

2 Zn 1:1 Referans Kwoze

1 Zn 3:18

Mo bann zanfan, fode pa nou kontan zis avek zoli parol ek bel-bel diskour, me montre vre lamour par nou bann aksion.

1 Tim 2:4

ki oule sov tou dimounn pou ki zot arive konn laverite.

Zn 8:32

Zot pou konn laverite e laverite pou rann zot lib.”

2 Zn 1:5

Aster-la Madam, mo pa pe ekrir twa enn nouvo komannman, me samem komannman ki nou finn gagne depi koumansman. Mo dimann twa ki: “Sakenn kontan so kamarad.”

1 Pi 5:1

Aster-la momem, kouma enn ansien ek kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef Legliz ki la parmi zot:

2 Zn 1:13

Zanfan to ser ki Bondie finn swazir, fer zot tou konpliman.

1 Zn 2:21

Mo pe ekrir zot, pa parski zot pa konn laverite, me parski zot bien konn li e zot kone osi ki okenn mansonz pa kapav sorti depi laverite.

1 Pi 1:2

Dapre so plan, Bondie Papa finn swazir zot, e zot finn vinn enn pep sanktifie par so Lespri, pou obeir Zezi Kris ki finn pirifie zot par so disan. Ki lagras ek lape ranpli zot tou.

Eb 10:26

Si nou persiste dan pese apre ki nou finn konn laverite, pena okenn sakrifis ankor ki pou kapav efas pese;

Ga 5:7

Zot ti pe bien galoup zot lekours. Alor ki finn kas zot lelan pou anpes zot obeir laverite?

Ga 3:1

Ayo, bann Galat, ala zot bet! Kisann-la finn zet enn sor lor zot? Pourtan, devan zot lizie, zot finn gagn enn prezantasion kler kouma Zezi Kris finn krisifie lor lakrwa.

Ga 2:14

Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

Ga 2:5

Nou pa finn soumet nou ditou ar bann-la, pou ki nou prezerv laverite Bonn Nouvel pou zot, nou frer ek ser.

Let pou Kolosien 1:5

akoz sa lesperans ki pe atann zot dan lesiel; zot finn tann lanons sa lesperans-la avan, par Bonn Nouvel, Parol laverite

Lk 1:3

Akoz samem, mwa osi, mo finn deside pou bien pran ransegnman lor seki finn pase exakteman depi koumansman. Dapre mwa, li bon ki mwa osi, mo ekrir enn liv pou twa, onorab Teofil.

Zistwar Bann Zapot 11:30

Zot finn fer samem, e finn avoy zot don kot bann ansien dan Legliz Zide par Barnabas ek Sol.

Let pou Romin 16:13

Salie Rifis, ki Lesegner finn swazir, e so mama ki osi enn mama pou mwa.

1 Pi 5:13

Legliz dan Babilonn avoy zot so konpliman; Mark osi parey.

3 Zn 1:1

Mwa Ansien, mo pe ekrir Gayis ki mo vremem kontan.