2 Tim 2:15 - Nouvo Testaman Kreol Morisien Harmonisation NTPS KM

¹⁵ Fer tou pou ki Bondie trouv dan twa enn bon travayer ki pa per, ni onte, pou propaz Parol laverite.

Nouvo Testaman dan Kreol Morisien

¹⁵ Fer tou pouki Bondie trouv dan twa enn bon travayer ki pa per, ni onte, pou propaz parol laverite.

2 Tim 2:15 Referans Kwoze

1 Tes 2:4

Okontrer, parey kouma Bondie finn konfie nou so Bonn Nouvel, nou pa koze pou fer plezir bann imin me pou fer plezir Bondie ki teste nou leker.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

1 Tim 4:6

Si to expoz tou sa bann parol-la ar bann frer ek ser, to pou vinn enn bon serviter Zezi Kris. Zot pou trouve ki to pe nouri twa avek Parol lafwa e ki to pe swiv bon lansegnman avek serye.

2 Ko 10:18

Pa dimounn ki ena bel lopinion lor limem ki gagn rekonesans, me dimounn ki Lesegner rekomande.

2 Ko 5:9

Ki nou dan sa lekor-la ou andeor li, nou anvi fer nou Segner plezir. Sa nou pli gran dezir sa.

2 Ko 4:2

Nou finn renons bann plan ki fer dan kasiet ek dan laont; nou pena aksion ki desevwar lezot e nou pa falsifie Parol Bondie. Okontrer, nou fer konn laverite dan enn fason kler devan konsians tou dimounn dan prezans Bondie.

2 Pi 3:14

Akoz samem, mo bann bieneme, letan ki zot pe atann sa zour-la, fer tou seki zot kapav pou ki zot res san tas, san okenn pese e ki li trouv zot pe viv anpe avek li.

Ga 1:10

Aster-la, eski mo pe rod faver bann imin oubien faver Bondie? Eski mo pe sey fer plezir bann imin? Si mo ti ankor pe fer plezir bann zom, alor mo pa ti pou enn serviter Zezi Kris.

2 Pi 1:15

Mo pou fer tou mo posib pou ki, zot kapav rapel tou sa lansegnman-la apre mo depar.

Ef 1:13

Zot finn tann parol laverite, Bonn Nouvel ki sov zot; zot finn krwar dan Lekris, alor Bondie finn mark zot ar stanp Lespri Sin ki li ti promet.

1 Tes 5:14

Nou pe sipliy zot, frer ek ser, pou averti bann ki pares, ankouraz bann ki gagn per, ed bann feb, ena pasians pou zot tou.

2 Ko 3:6

Limem ki fer nou vinn enn minis konpetan pou servi nouvo lalians, ki pa depann lor lalwa ki ekrir me lor Lespri. Lalwa amenn lamor, me Lespri donn lavi.

Let pou Romin 14:18

Seki servi Lekris dan sa fason-la li agreab devan Bondie ek li aprouve par dimounn.

Eb 4:11

Anou fer tou zefor pou rant dan sa repo-la pou ki personn ant nou pa tonbe akoz dezobeisans parey kouma nou anset ti fer.

Let Zak 1:18

Par so prop volonte li finn donn nou lavi par so Parol ki laverite, pou ki nou kapav vinn kouma bann premie fri kreasion.

1 Ko 2:6

Mo bizin dir kanmem, ki nou servi lasazes pou koz ar dimounn ki finn bien grandi dan zot lafwa. Li pa enn sazes ki sorti dan lemond, ni sazes bann ki pe regne lor sa lemond-la, zot enn bann pwisans ki pe al tengn.

Zistwar Bann Zapot 2:22

Mo bann kamarad Izraelit, ekout seki mo ena pou dir zot: Zezi ki sorti Nazaret, ti enn dimounn ki ena lotorite Bondie, ki finn prouve devan zot par mirak, mervey ek sign, kouma zotmem zot kone.

Zistwar Bann Zapot 20:27

Parski mo pa finn negliz nanye; okontrer mo finn anons zot plan Bondie an-antie.

Mt 13:52

Lerla li dir zot, “Tou dokter lalwa ki finn vinn disip rwayom lesiel, li kouma enn proprieter lakaz ki separ dan so trezor seki nef ek seki vie.”

Let pou Romin 16:10

Salie Apeles, ki finn prouve ki so lafwa dan Lekris ferm.

Lk 12:42

Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler?

Mk 4:33

Ar boukou parabol sa zar-la, li ti pe anons laparol, dapre seki zot ti pe kapav konpran.

Let pou Romin 6:13

Pa livre diferan parti zot lekor pou ki pese fer zot vinn instriman move kiksoz; okontrer ofer zotmem Bondie kouma bann dimounn vivan ki finn sorti depi dan lamor, e ofer zotmem an antie kouma instriman pou enn lavi drwat devan Bondie.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.