2 Tim 1:9 - Nouvo Testaman Kreol Morisien Harmonisation NTPS KM

⁹ Li finn sov nou ek li apel nou, non pa akoz nou kapasite, me par so prop volonte. Li donn nou so lagras dan Lekris Zezi avan tou siek.

Nouvo Testaman dan Kreol Morisien

⁹ Li finn sov nou ek li apel nou, non pa akoz nou kapasite, me par so prop volonte. Li donn nou so la gras dan Lekris Zezi avan tou siek.

2 Tim 1:9 Referans Kwoze

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

Let pou Tit 1:2

Zot pou gagn lesperans lavi eternel ki Bondie finn promet depi lontan. E Bondie zame koz manti.

Let pou Romin 9:11

E pourtan avan nesans bann zimo-la, avan mem ki enn ou lot ti fer kiksoz bon ou move, e pou ki Bondie so plan eleksion kontigne existe lor baz enn swa ki li fer

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

Ef 1:11

Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemond dan liv lavi ki pou Agno ki finn sakrifie.

1 Pi 1:20

Bondie finn swazir li davans, avan mem kreasion lemond e li finn revel li dan sa dernie letan-la pou zot prop bien.

Zn 17:9

Mo priye pou zot; mo pa pe priye pou lemond me mo priye pou tou seki to finn konfie mwa, parski zot tou pou twa.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

Eb 3:1

Alor mo bann frer, mo bann ser Kretien, zot ki partaz enn lapel ki sorti dan lesiel, konsider Zezi kouma enn zapot e enn gran pret ki nou lafwa proklame.

Ef 2:5

letan nou ti spiritielman mor akoz nou bann fot, li ti donn nou lavi avek Lekris. Par lagras Bondie ki nou sove.

1 Tes 4:7

Bondie pa finn apel nou pou viv dan imoralite, me pou viv enn lavi sin.

1 Ko 1:18

Parski mesaz lor lamor Lekris lor lakrwa li enn foli pou seki dan perdision, me pou nou ki Bondie pe sove, sa parol-la samem pwisans Bondie.

Zn 6:37

Tou dimounn ki mo Papa donn mwa pou vinn ar mwa; mo pa pou pous personn.

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.

Ef 3:11

Tousala ti dapre plan eternel ki li finn realize par Zezi Kris nou Segner.

Let pou Romin 3:20

Koumsa personn pa trouv li zistifie devan Bondie parski li finn obzerv lalwa. Lalwa nek zis fer dimounn pran konsians ki pese ete.

1 Tim 1:1

Mwa, Pol, mo finn vinn zapot Zezi Kris gras-a promes Bondie nou Sover ek Zezi Kris nou lesperans.

Ef 1:9

Li finn fer nou konn mister so volonte, so plan ki li ti finn deside davans dapre so bon plezir pou realize par Lekris.

Let pou Romin 9:24

Nou lepep ki li finn apele, pa selman parmi Zwif, me osi parmi non-Zwif,

Lk 10:21

Lerla mem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Mt 1:21

Li pou donn nesans enn garson e to pou apel li Zezi. Avredir limem pou sov so pep ki dan pese.”

Zistwar Bann Zapot 2:47

Zot ti loue Bondie e ti gagn lestim tou bann dimounn. Toulezour Lesegner ti pe sov dimounn ki li ti pe azout dan zot group.

Zistwar Bann Zapot 15:18

Ala seki Lesegner deklare, limem ki realiz so bann proze, ki bien kler depi touletan.’

Let pou Romin 11:14

dan lespwar ki mo kapav fer mo prop pep zalou, koumsa de-trwa kapav sove.

Let pou Romin 11:29

parski Bondie pa sanz so panse lor kisann-la li apele e kisann-la li beni.

Let pou Filipien 3:14

Mo galoup vit pou rant dan bit pou resevwar pri ki Bondie ofer mwa dan lesiel par Zezi Kris.

2 Tim 1:1

Mwa, Pol, mo enn zapot Zezi Kris par volonte Bondie. Mo finn resevwar mision pou proklam promes lavi ki gagne kan nou enn sel avek Lekris Zezi.