2 Tim 1:7 - Nouvo Testaman Kreol Morisien Harmonisation NTPS KM

⁷ Lespri ranpli nou avek lafors, lamour ek kontrol lor noumem.

Nouvo Testaman dan Kreol Morisien

⁷ Lespri ranpli nou avek lafors, lamour ek kontrol lor noumem.

2 Tim 1:7 Referans Kwoze

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

1 Zn 4:18

Pena okenn lafreyer dan lamour; vre lamour repous tou freyer. Lafreyer fer nou mazinn pinision, e tou dimounn ki gagn per, li pankor viv vre lamour.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Zn 14:27

Shalom, mo donn zot mo lape, pa manier lemond me dan mo manier. Pa boulverse, pa gagn per.

Lk 10:19

Ekoute, mo finn donn zot lotorite pou mars lor serpan, lor skorpion e lor lennmi ki bien for; nanye pa kapav fer zot dimal.

Zistwar Bann Zapot 1:8

Me zot pou gagn enn lafors kan Lespri Sin pou desann lor zot, lerla zot pou vinn mo temwin dan Zerizalem, dan Zide ek Samari e partou lor later.”

Proverb 2:7

Li enn gran proteksion pou dimounn drwat; li enn boukliye pou dimounn onet.

Proverb 8:14

Mo donn bon konsey ek bon rezonnman, mo ena boukou pwisans ek disernman.

Let pou Romin 5:5

Sa lesperans-la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

Eb 2:15

Li delivre tou bann ki ti pe pas tou zot lexistans dan lesklavaz, akoz zot per lamor.

Zistwar Bann Zapot 20:24

Pou mwa mo lavi pena okenn valer; linportans, seki mo akonplir devwar ki mo finn resevwar ar Lesegner Zezi. Li finn konfie mwa pou rann temwaniaz Bonn Nouvel ki montre lagras Bondie.

1 Ko 2:4

E mo pa ti anons mo mesaz ou fer mo predikasion par bann diskour ki servi lasazes imin, me par enn demonstrasion pwisans Lespri Sin.

Lk 24:49

Aster-la mo avoy lor zot seki mo Papa finn promet. Res Zerizalem ziska ki zot resevwar pwisans ki sorti lao.”

Zistwar Bann Zapot 10:38

Zot kone kouma Bondie ti vers pwisans Lespri Sin lor Zezi ki sorti Nazaret. Li ti al partou, li fer dibien e ti geri tou dimounn ki ti may dan pouvwar diab, parski Bondie ti avek li.

Psom 119:80

Ed mwa pou respekte to lansegnman kouma bizin pou anpes mwa sibir imiliasion dan defet.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Zistwar Bann Zapot 21:13

Me Pol reponn, “Kifer zot plore? Zot fer mo leker fermal. Mo finn pare pa zis pou al dan prizon, me osi pou mor dan Zerizalem pou Lesegner Zezi.”

Let pou Kolosien 1:8

Li finn dekrir nou lamour ki anim zot dan Lespri.

Zistwar Bann Zapot 6:8

Etienn ki ti ranpli ar lagras ek pwisans, ti fer bann gran mervey ek mirak parmi lepep.

Zistwar Bann Zapot 9:22

Me predikasion Sol vinn pli for ankor e li fer bann Zwif dan Damas perdi pwin letan li prouve ki Zezi limem Lemesi.

Lk 8:35

Lerla bann dimounn vinn gete ki finn arive vremem; letan zot koste ar Zezi zot trouv sa dimounn ki ti posede par demon-la, pe asiz kot lipie Zezi, so linz lor li e li sindespri. Lerla zot gagn per.

Zistwar Bann Zapot 26:25

Me Pol reponn, “Mo pa fou, exselans Festis, me mo pe koz langaz laverite ek parol ki ena enn bon sans.

Lk 15:17

Li koumans reflesi e li dir, ‘Ki kantite manze anplis bann travayer mo papa ena, e mwa mo pe mordefin isi!

Zistwar Bann Zapot 26:11

Souvan mo finn al enn sinagog apre lot pou fer zot sibir pinision ek fer zot renie zot lafwa. Ek dan mo laraz kont zot, mo finn persekit zot ziska dan bann lavil etranze.