2 Tim 1:16 - Nouvo Testaman Kreol Morisien Harmonisation NTPS KM

¹⁶ Mo dimann Bondie montre so mizerikord anver Onesifor ek so fami. Li finn touzour rekonfort mwa, zame li finn ignor mwa ki enn prizonie.

Nouvo Testaman dan Kreol Morisien

¹⁶ Mo dimann Bondie montre so mizerikord anver Onesifor ek so fami. Li finn touzour rekonfort mwa, zame li finn ignor mwa ki enn prizonie.

2 Tim 1:16 Referans Kwoze

2 Tim 4:19

Salie Prisil ek Akila ek osi lafami Onesifor.

Let pou Filemon 1:20

Wi, mo frer, rann mwa enn servis pou lamour Lesegner; rekonfort mo leker dan Kris.

Let pou Filemon 1:7

Frer, to lamour finn donn mwa boukou lazwa ek lankourazman parski to finn rekonfort leker bann krwayan.

Ef 6:20

Pou sa Bonn Nouvel-la mo enn anbasader ki dan prizon. Priye pou ki mo gagn lodas pou koze kouma bizin.

Zistwar Bann Zapot 28:20

Pou sa rezon-la ki mo finn dimann pou trouv zot e koz ar zot. Mo pe fer prizon pou mem lesperans ki Izrael ena.”

Eb 10:34

Zot finn pran par dan soufrans bann prizonie. Dan lazwa, zot finn aksepte ki bann-la kokin tou zot dibien parski zot kone ki zot, zot posed kitsoz ankor pli meyer e ki pou reste pou touletan.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

2 Tim 1:18

Bondie beni li pou Gran Zour-la. To konn bien ki kantite servis li finn rann mwa dan Efez.

2 Tim 1:8

Pa per pou donn to temwaniaz lor nou Segner. Pa gagn onte pou mwa ki dan prizon akoz li. Pran to soufrans pou Bonn Nouvel avek lafors ki Bondie done.

1 Ko 16:18

Bann-la finn fer mo lespri trankil, kouma finn fer sa osi pou zot. Bizin konn apresie sa kalite dimounn-la.

Mt 5:7

Bienere zot ki montre konpasion pou lezot, Bondie pou pitie zot.

Psom 37:26

Touletan li zenere e li ed lezot e so zanfan zot enn benediksion pou li.

Psom 18:25

SEGNER to fidel ar seki montre limem fidel; to montre to san repros ar seki san repros;

Zistwar Bann Zapot 21:33

Komandan vinn pli pre, li fer aret Pol ek atas li ar de lasenn. Lerla li dimann li kisann-la li ete e ki li finn fer.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour-la vini.

2 Tim 1:17

Okontrer, kan li ariv dan Rom, li finn rod partou ziska li trouv mwa.

Mt 25:17

Serviter ki ti resevwar de talan-la fer parey li osi, e li gagn ankor de talan.