2 Tes 3:5 - Nouvo Testaman Kreol Morisien Harmonisation NTPS KM

⁵ Ki Lesegner diriz zot leker pou konpran lamour Bondie ek pasians ki Kris ena pou zot.

Nouvo Testaman dan Kreol Morisien

⁵ Ki Lesegner diriz zot leker pou konpran lamour Bondie ek pasians ki Kris ena pou zot.

2 Tes 3:5 Referans Kwoze

Psom 119:36

Olie fer mwa anvi vinn ris, ranpli mo leker ar dezir pou obeir to lalwa.

1 Zn 4:19

Nou, nou kontan nou kamarad parski Bondie finn kontan nou an premie.

1 Ko 8:3

Me dimounn ki kontan Bondie, Bondie osi kontan li.

Proverb 3:6

Rekonet li dan tou to proze, e li pou ekler to sime.

1 Tes 3:11

Ki Bondie nou Papa limem ek nou Segner Zezi diriz nou lor sime ki amenn nou kot zot.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

Let pou Romin 8:25

Me si nou esper seki nou pankor ena, nou atann avek boukou pasians.

Psom 119:5

Mo priye ki mo kondir mwa dan enn manier ferm pou ki mo reisi swiv to bann regleman.

1 Pi 4:1

Lekris finn soufer dan so lekor; zot osi, zot bizin ena mem konviksion, parski kan kikenn finn soufer dan so lekor, savedir li finn kas lasenn pese,

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Let pou Romin 8:28

Nou kone ki Bondie pou servi tou kiksoz pou bienet bann dimounn ki kontan li, ki li finn apele dapre so plan.

Let pou Romin 5:5

Sa lesperans-la li pa desevwar nou, parski Bondie finn repann so lamour dan nou leker par Lespri Sin ki li finn donn nou.

Psom 40:1

Mo ti atann, atann mem, sekour LESEGNER; Li ti ekout mwa e li ti tann mwa kriye.

Revelasion 13:10

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.

1 Tes 1:10

Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

2 Pi 3:12

Letan ki zot pe atann zour Lesegner, zot bizin fer tou zefor pou ki li vinn pli vit. Sa zour-la, lesiel pou pran dife ek disparet e bann zetwal pou fonn ar saler.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwaniaz Zezi.