2 Tes 2:9 - Nouvo Testaman Kreol Morisien Harmonisation NTPS KM

⁹ Move Dimounn pou vini avek lafors Satan, ki pou servi tou pouvwar, tou bann sign pou anbet dimounn.

Nouvo Testaman dan Kreol Morisien

⁹ Lemesan pou vini avek lafors Satan, ki pou servi tou pouvwar, tou bann sign pou anbet dimoun.

2 Tes 2:9 Referans Kwoze

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Revelasion 19:20

Alor zot finn trap bebet-la anmemtan ki sa fos profet ki ti fer bann mirak dan so prezans la; ki ti sedwir tou bann ki ti ena mark bebet e ti ador so zimaz. Ti zet bebet-la ek fos profet-la dan enn landrwa ranpli ar dife ki brile kouma souf.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

Zn 4:48

Zezi dir li, “Tanki zot pa trouv bann sign ek bann mervey, zot pa pou krwar.”

Mk 13:22

Fos mesi ek fos profet pou leve; zot pou fer bann mirak pou fer dimounn tom dan lerer, e si posib, mem parmi bann seki finn swazir.

Revelasion 20:10

Lerla, zot ti zet Satan, ki ti sedwir tou dimounn, dan landrwa kot dife ek souf ti pe brile; dan sa landrwa lamem zot ti zet bebet ek fos profet la. Lanwit-lizour zot pou tourmante pou touzour.

Revelasion 18:23

Lalimier lalanp pou nepli briye kot twa ankor, e pou nepli tann lavwa nouvo ek nouvel marye sorti kot twa. Parski to bann marsan ti pli pwisan lor later, e par to bann sorselri to ti anbet tou bann nasion.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

2 Tim 3:8

Parey kouma Zanes ek Zanbres ki ti kont Moiz, ena ki dibout kont laverite. Zot lespri malad ek zot lafwa pa vo nanye.

2 Ko 11:14

Nou pa etone! Satan limem degize kouma anz lalimier.

Zistwar Bann Zapot 13:10

“Twa ki rize e ranpli ar mesanste, zanfan diab e lennmi lazistis, to pa pou aret detourn sime drwat Lesegner?

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Zn 8:41

Zot pe fer seki zot papa ti fer.” Bann-la dir li, “Nou pa bann zanfan ilezitim; nou ena enn sel papa, se Bondie.”

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Revelasion 12:17

Lerla dragon-la ti ankoler kont fam-la, e li ti al deklar lager avek leres so desandan, bann ki res fidel ar komannman Bondie ek ki res bann disip Zezi.

Revelasion 9:11

Kouma lerwa, zot ti ena enn anz destrikter; an Ebre ti apel zot Abadon e an Grek Apolyon.

Mt 4:10

Zezi reponn, “Sorti la ale Satan, parski finn ekrir: ‘To pou ador Lesegner to Bondie, li tousel to bizin servi.’ ”

Mt 12:22

Zot amenn ar Zezi enn aveg ki ti mie parski ti ena enn demon dan li. Zezi geri boug-la e lerla li koze ek li trouv kler.

Let Zak 3:15

Enn lasazes parey pa sort dan lesiel; li sorti depi later, li imin ek mem diabolik.

Lk 11:25

Kan li retourne li trouv lakaz-la bien balie e bann zafer bien ranze.