2 Tes 2:14 - Nouvo Testaman Kreol Morisien Harmonisation NTPS KM

¹⁴ Atraver Bonn Nouvel ki nou finn anons zot, Koumsa mem Bondie finn apel zot pou ete. Li finn apel zot pou ki zot gagn zot par dan laglwar nou Segner Zezi Kris.

Nouvo Testaman dan Kreol Morisien

¹⁴ Atraver Bonn Nouvel ki nou finn anons zot, Koumsamem Bondie finn apel zot pou ete. Li finn apel zot pouki zot gagn zot par dan laglwar nou Segner Zezi Kris.

2 Tes 2:14 Referans Kwoze

1 Tes 2:12

Nou finn ankouraz zot, rekonfort zot ek plede pou ki zot amenn enn lavi korek ki onor Bondie, ki apel zot pou partaz ar li so rwayom ek so laglwar.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.

2 Tim 2:12

Si nou res ferm avek li, nou pou regn avek li. Si arive nou renie li, li osi li pou renie nou.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Let pou Romin 16:25

Anou loue Bondie! Li ena pouvwar fortifie zot dan lafwa, dapre Bonn Nouvel ki mo anonse letan mo proklam Zezi Kris, e dapre revelasion enn mister ki ti gard kasiet depi koumansman letan,

Let pou Romin 2:16

Samem ki pou arive zour ki Bondie pou ziz leker bann dimounn par Zezi Kris, kouma mo Bonn Nouvel anonse.

Zn 17:24

Papa, seki to finn konfie mwa, mo anvi ki la kot mo ete zot avek mwa; pou ki zot kontanple laglwar ki to finn donn mwa e zot pou kone ki to kontan mwa depi avan koumansman kreasion.

Zn 17:22

Mo finn donn zot laglwar ki to finn donn mwa pou ki zot vinn enn sel parey kouma nou, nou enn sel.

Mt 25:21

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

Psom 16:11

To touletan montre mwa bon sime lavi; kan to la, mo lavi ranpli ar lazwa; dan to prezans ena boner pou touzour.

Revelasion 21:23

Lavil-la pa ti bizin soley ouswa lalinn pou ekler li. Laglwar Bondie so lalimier e Agno Bondie so flanbo.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so aksion.