2 Tes 1:4 - Nouvo Testaman Kreol Morisien Harmonisation NTPS KM

⁴ Akoz samem nou koz lor zot avek boukou fierte dan Legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

Nouvo Testaman dan Kreol Morisien

⁴ Akoz samem nou koz lor zot avek boukou fierte dan legliz Bondie. Zot pe tini ferm dan zot lafwa malgre tou bann persekision ek detres ki zot ankor pe siporte.

2 Tes 1:4 Referans Kwoze

Eb 10:36

Zot bizin landirans pou ki letan zot finn fer volonte Bondie, zot kapav resevwar seki li finn promet zot.

1 Tes 2:14

Ofet, mo bann frer ek ser, zot finn swiv lexanp bann dimounn ki dan legliz Bondie dan Zide ki krwar dan Zezi Kris. Zot prop pep finn persekit zot, parey kouma bann-la ti sibir ar bann Zwif,

1 Tes 2:19

Apre tou, zotmem nou lesperans, nou lazwa. Zot pou parey kouma enn kouronn doner pou nou dan prezans nou Segner Zezi letan li retourne.

1 Tes 1:3

Devan nou Bondie ek Papa nou rapel seki zot finn fer akoz zot lafwa, kouma zot finn travay dir akoz zot lamour pou Zezi e kouma zot finn tini ferm dan lesperans pou Zezi Kris.

2 Ko 7:14

Mo finn konplimant zot avek fierte ar Tit, e zot pa finn fer mwa perdi pwin. Me parey kouma tou kiksoz mo finn dir zot, li vre, dan mem fason eloz ki nou finn fer lor zot ar Tit, li vre.

Revelasion 14:12

Sa enn lapel pou lepep Bondie ena landirans, bann ki gard komannman Bondie e ki res fidel ar Zezi.

1 Ko 7:17

Apar sa ka-la, sakenn parmi zot bizin kontign viv so lavi dapre seki Bondie finn donn li letan ti apel li. Samem lalwa ki mo finn etablir dan Legliz partou.

2 Pi 1:6

Avek konesans azout kontrol lor zotmem, avek kontrol lor zotmem azout landirans, avek landirans azout latasman ar Bondie,

Let Zak 5:11

Nou deklar bann-la bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

Eb 6:15

Abraam finn atann avek pasians e li finn gagn seki Bondie ti promet li.

2 Tes 3:5

Ki Lesegner diriz zot leker pou konpran lamour Bondie ek pasians ki Kris ena pou zot.

2 Ko 9:4

Selman, si bann Masedonien vinn avek mwa e zot dekouver ki nanye pa finn pare, nou pou vremem onte; san mansione komie zot, zot pou dan laont, telman nou ti ena lasirans letan nou ti koze.

2 Ko 9:2

Mo konn zot bon lintansion, e avek fierte mo finn dir bann Masedonien ki Akai finn pare depi lane pase, ek sa finn ankouraz bann-la pou azir.

Let pou Romin 12:12

Montre lazwa dan lesperans, montre pasians dan detres, priye avek fidelite.

Let pou Romin 8:25

Me si nou esper seki nou pankor ena, nou atann avek boukou pasians.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

2 Ko 7:4

Mo ena gran konfians dan zot, mo get zot avek gran fierte. Dan nou detres, mo ankor ena boukou lankourazman ek mo ena lazwa.

2 Ko 12:10

Akoz sa, pou Lekris, mo satisfe avek febles, insilt, detres, persekision ek langwas. Kan mo feb, lerla mem ki mo for.

Eb 6:12

Pa vinn pares; kontigne swiv lexanp bann ki finn krwar avek perseverans e finn erit promes Bondie.