2 Tes 1:10 - Nouvo Testaman Kreol Morisien Harmonisation NTPS KM

¹⁰ Letan li vini zour so glorifikasion parmi tou so pep, li pou admire par bann dimounn ki finn krwar dan li e zot osi zot pou parmi akoz zot temwaniaz.

Nouvo Testaman dan Kreol Morisien

¹⁰ Letan li vini zour so glorifikasion parmi tou so pep, li pou admire par bann dimoun ki finn krwar dan li e zot osi zot pou parmi akoz zot temwagnaz.

2 Tes 1:10 Referans Kwoze

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

1 Ko 3:13

so travay pou devwale zour zizman dapre valer ki li ena, parski sa zour-la tou travay pou vizib par dife. Dife pou teste travay-la, dife pou montre seki li vo.

Zn 17:10

Tou seki pou mwa, pou twa e tou seki pou twa, pou mwa; mo laglwar reflekte lor zot figir.

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

2 Tes 2:13

Nou bizin touzour pe rann gras Bondie pou zot bann frer ek ser, parski Bondie finn swazir zot depi koumansman mem pou sov zot par pouvwar Lespri e par zot krwayans dan laverite, pou fer zot vinn enn pep sin.

1 Ko 1:6

Temwaniaz ki nou finn rande lor Lekris finn bien ankre dan zot.

Psom 89:7

Tou kreatir lesiel per Bondie; zot tou respe Bondie ki redoutab.

2 Tim 1:18

Bondie beni li pou Gran Zour-la. To konn bien ki kantite servis li finn rann mwa dan Efez.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour-la vini.

2 Tes 1:12

Alor, nom Segner Zezi pou glorifie dan zot, e zot dan li, dapre lagras Bondie e nou Segner Zezi Kris.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Tes 2:1

Frer ek Ser, zot bien kone ki nou pa finn vinn kot zot pou nanye.

1 Tes 1:5

parski kan nou finn amenn zot mesaz Bonn Nouvel, li pa zis par laparol, me li osi avek pwisans ek led Lespri Sin e avek enn gran konviksion. Zot kone kouma nou finn viv parmi zot pou zot prop dibien.

Ef 3:16

Mo dimann li, dapre rises so laglwar, ki li fortifie zot leker par so Lespri.

Ef 3:10

Aster-la atraver Legliz, bann lotorite ek bann pouvwar ki lao dan lesiel kapav konn sazes Bondie dan tou so diferan form.

Ef 2:7

Par sa, Bondie anvi montre pou bann siek ki pe vini, rises so lagras, exprime par so bonte pou nou dan Zezi Kris.

Ef 1:14

Lespri Sin, li enn lavans lor leritaz ki Bondie rezerve pou so pep. Sa donn nou lasirans ki Bondie pou akord nou delivrans final. Anou donn li laglwar!

Ef 1:12

pou nou loue so grander, nou ki ti bann premie pou met nou lesperans dan Lekris.

Ef 1:6

Anou loue Bondie pou so laglwar ek so lagras ki li finn donn nou dan so Bieneme.

Ga 1:24

E zot ti glorifie Bondie akoz mwa.

Zn 11:4

Me letan Zezi tann sa, li dir, “Sa maladi-la pa pou donn lamor, me li pou montre laglwar Bondie e pou manifeste osi laglwar Garson Bondie.”

Lk 10:12

Mo dir zot, zour zizman pou mwin dir ar Sodom ki ar sa lavil-la.

Mt 25:31

“Kan Garson Limanite vini dan so laglwar avek tou bann anz, li pou asiz lor so tronn rwayal.

Mt 24:36

Ki zour, ki ler, personn pa kone, ni bann anz dan lesiel, ni mem Garson Limanite, zis papa-la tousel kone.

Mt 7:22

Zour zizman, pou ena boukou ki pou dir mwa ‘Segner, Segner, lor to nom nou finn azir kouma profet, lor to nom nou finn sas bann move lespri, lor to nom ki nou finn akonpli boukou mirak.’

Psom 68:35

Nou tou inpresione ler Bondie sorti andeor so Tanp. Limem Bondie Izrael! Li donn lafors ek pouvwar so pep. Nou loue Bondie!

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimounn dapre seki li finn fer.

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

1 Tes 2:12

Nou finn ankouraz zot, rekonfort zot ek plede pou ki zot amenn enn lavi korek ki onor Bondie, ki apel zot pou partaz ar li so rwayom ek so laglwar.

1 Tim 3:16

Wi, vremem, mister nou lafwa, li gran. Lekris finn paret kouma enn imin, Lespri Sin finn rann li zis, Bann anz finn kontanple li, Finn anons li kot tou bann pep lemond krwar dan li E li finn mont dan laglwar.