2 Pi 2:9 - Nouvo Testaman Kreol Morisien Harmonisation NTPS KM

⁹ alor Lesegner kone ki fason pou delivre bann dimounn drwat depi zot difikilte e kouma li gard bann peser anba so pinision ziska zour zizman;

Nouvo Testaman dan Kreol Morisien

⁹ alor Lesegner kone ki fason pou delivre bann dimoun drwat depi zot difikilte e kouma li gard bann peser anba so pinision ziska zour zizman;

2 Pi 2:9 Referans Kwoze

1 Ko 10:13

Tou tantasion ki zot finn gagne li parey kouma seki tou dimounn gagne. Bondie fidel dan so promes ek li pa pou les zot gagn enn tantasion ki zot pa kapav tini. Kan zot pou tante, li pou donn zot enn sime pou sorti ladan.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

2 Tim 3:12

Tou dimounn ki vremem oule viv dan Lekris pou gagn persekision dan zot lavi.

2 Pi 3:7

Me, sa mem parol-la finn rezerv lesiel ek later zordi pou dife. Zot finn bien prezerve pou zour zizman ek destriksion bann peser.

Proverb 16:4

LESEGNER finn kree tou kiksoz pou enn rezon; mem bann malfeter finn kree pou zot konn zizman.

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

2 Pi 2:4

Bondie pa finn epargne bann move anz, me finn zet zot dan lanfer, finn ansenn zot dan nwar ziska zour zizman;

Let pou Romin 2:5

Me to pa oule konpran, to pa dispoze sanze. Akoz sa to atir enn pli gran pinision lor twa pou sa zour kot Bondie pou revel so zizman ki zis la.

Psom 4:3

Pa bliye ki LESEGNER finn met apar pou limem dimounn ki fidel, e LESEGNER tann mwa kan mo dimann so led.

Psom 32:6

Akoz sa tou to bann serviter fidel bizin priye twa kan problem leve; kan inondasion pe fons lor zot, zot kone zot ena to proteksion.

Psom 12:1

Vinn sekour nou, SEGNER! To bann dimounn lwayal finn disparet; dimounn onet ek fidel, pa trouv zot mem.

Psom 37:33

me LESEGNER pa pou les lemal fer ravaz ouswa les bann inosan pey pou koupab dan zizman.

Proverb 12:13

Move dimounn pieze ar zot prop mansonz; dimounn onet konn evit maler.

Mt 6:13

Pa les nou tom dan tantasion Me tir nou dan lemal.’

Mt 10:15

Laverite mo dir zot, bann dimounn dan Sodom ek Gomor pou gagn pli bon tretman ki sa bann dimounn-la.

Let Zid 1:6

Zot rapel bann anz ki pa ti gard zot pozision, zot ti kit zot lakaz, e zot finn res touletan ansene dan prizon teneb ziska gran zour zizman Bondie.