2 Pi 2:3 - Nouvo Testaman Kreol Morisien Harmonisation NTPS KM

³ Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Nouvo Testaman dan Kreol Morisien

³ Akoz zot gourmandiz larzan, sa bann dimoun la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

2 Pi 2:3 Referans Kwoze

2 Ko 2:17

Nou pa kouma boukou lezot ki fer trafik marsandiz ar Parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

1 Tes 2:5

Kouma zot kone e Bondie temwin, zame nou pa finn servi bann parol pou flat noumem oubien pou kasiet gourmandiz materyel.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let Zid 1:15

pou exekit zizman lor tou dimounn, pou kondann zot pou zot move aksion ek bann zafer terib ki bann peser finn dir kont li.”

Let pou Tit 1:11

To bizin ferm zot labous. Sa bann dimounn-la amenn boulversman dan bann fami ek zot pran kas.

1 Tim 6:5

e bann koze zame fini ant dimounn ti-lespri ek dan lerer. Zot panse ki ar larelizion kapav fer profi larzan.

2 Pi 2:9

alor Lesegner kone ki fason pou delivre bann dimounn drwat depi zot difikilte e kouma li gard bann peser anba so pinision ziska zour zizman;

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou amenn bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

2 Pi 1:16

Ofet, nou pa finn aranz enn zistwar baze lor bann kont-de-fe pou fer zot konn pouvwar Zezi Kris ek so retour, me noumem, nou finn trouv so grander ek nou prop lizie.

1 Pi 5:2

pran bien swin troupo Bondie ki anba zot responsabilite; vey lor li, pa par obligasion me par amour; fer zot travay par devouman e non pa par intere.

Let pou Tit 1:7

Enn levek, antan ki enn zeran Bondie, bizin ireprosab: fode pa ki li arogan, fer koler, biver, batayer, kontan kas.

Let Zid 1:11

Maler lor zot parski zot finn swiv sime Kain. Akoz larzan, zot finn egare kouma Balam e zot finn mor dan zot revolt kouma rebelion Kore.

Let Zid 1:7

Zot rapel Sodom ek Gomor ek lezot lavil dan lezanviron; kot bann abitan ti pe amenn enn lavi dezord e zot ti pe swiv zot prop dezir imoral. Sa se enn lexanp ki zot touletan anba pinision.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.

1 Tim 3:8

Mem zafer pou bann diak. Zot bizin respektab ek sinser, pa servi doub langaz, pa soular, ni atase ar larzan.

1 Tim 3:3

Fode pa ki li enn soular, ni kontan lager, ni fer koze vinn long ek kontan larzan. Li bizin enn dimounn trankil ki pena enn lintere personel.

1 Tes 5:3

Kan dimounn pou dir: “Ena lape ek sekirite,” lerla mem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

Zn 2:16

Li dir bann marsan pizon, “Tir tousala deor; pa fer lakaz mo papa vinn enn bazar.”

Lk 22:47

Li ti pe ankor koze, kan enn lafoul aparet avek Zida ki ti enn parmi Ledouz e limem ti antet. Li vinn pre ar Zezi e li anbras li.

Lk 20:20

Alors bann-la vey tou so mouvman; zot avoy bann espion ki deklar onet, pou trap Zezi kan li pou dir enn kiksoz ki pa korek. Koumsa zot pou kapav aret li e met li dan lame gouverner.

Lk 18:8

Mo dir zot, li pou donn zot lazistis san tarde. Kan Garson Limanite vini, eski li pou trouv lafwa lor later?”

Psom 81:15

Bann ki ayir LESEGNER pou kourbe ar lafreyer divan li, zot pinision pa pou ena finision.

Psom 66:3

Dir Bondie, “Tou seki to fer, zot extraordiner. To lafors sitan gran ki to lennmi kapitile e tranble divan twa.

Psom 18:44

Pep etranze akeyir mwa kouma zot lerwa; kouma zot tann mo koze, zot aksepte obeir mwa;

Let Zid 1:16

Sa bann dimounn-la, zot touletan plengne, zot pa kontan zot sor; zot swiv zot prop dezir; zot dir bann parol ranpli ar lorgey e zot flat dimounn par intere.

Mt 23:14

Maler lor zot dokter lalwa ek Farizien ipokrit, zot manz tou manze bann vev, zot fer long-long lapriyer pou lizie dimounn. Akoz samem zot pou gagn enn pli gran kondanasion.