2 Pi 2:14 - Nouvo Testaman Kreol Morisien Harmonisation NTPS KM

¹⁴ Zot lizie zis bon pou komet adilter e zot pa fatige fer pese. Zot antrenn dimounn feb dan piez. Zot leker finn bien antrene pou kontan kas. Malediksion lor zot.

Nouvo Testaman dan Kreol Morisien

¹⁴ Zot lizie zis bon pou komet adilter e zot pa fatige fer pese. Zot antrenn dimoun feb dan piez. Zot leker finn bien antrene pou kontan kas. Malediksion lor zot.

2 Pi 2:14 Referans Kwoze

2 Pi 2:18

Zot fer bel-bel diskour ki pena sans; zot servi zot dezir obsenn pou piez lezot ki fek fini sap dan piez bann ki amenn move lavi.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

Ef 2:3

Nou osi, nou tou ti parmi sa bann-la, nou ti pe viv dapre bann dezir natir pese, nou ti pe fer volonte nou natir e swiv so bann inpilsion. Nou ti merit gagn koler Bondie kouma lezot.

2 Pi 3:16

Samem ki li dir nou dan tou so bann let. Ena sertin pasaz ki difisil pou konpran, ki bann inioran oubien bann ki latet fatige pou deform so sans, kouma zot fer avek lezot pasaz dan Lekritir sin. Sa pou amenn zot destriksion.

Ef 4:14

Lerla nou pa pou kouma bann zanfan, ki balote, ki sakouye dan siklonn tou kalite doktrinn ki bann dimounn rize servi pou antrenn lezot dan lerer.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

1 Ko 11:19

San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

Mt 12:34

Bann espes serpan! Kouma bon kiksoz kapav sorti dan zot labous, kan zotmem zot move? Parski labous exprim seki ena dan fon leker.

1 Zn 2:16

Tou seki sorti dan lemond, kouma move dezir natir imin, lanvi posed seki nou trouve, ek lorgey baze lor larises, pa vinn depi Bondie Papa me depi lemond.

Mk 13:22

Fos mesi ek fos profet pou leve; zot pou fer bann mirak pou fer dimounn tom dan lerer, e si posib, mem parmi bann seki finn swazir.

Let Zak 1:8

parski li indesi e instab dan so panse.

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

Let Zid 1:11

Maler lor zot parski zot finn swiv sime Kain. Akoz larzan, zot finn egare kouma Balam e zot finn mor dan zot revolt kouma rebelion Kore.

Proverb 6:25

Pa les to leker atire ar so bote; Pa les twa gate ar so regar.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tengn e ki finn prepare pou Satan ek so bann asosie.

Mt 5:28

Me mwa, mo dir zot, tou dimounn ki get enn fam ek anvi li, finn deza komet adilter dan so leker.

Revelasion 12:9

Sa gro dragon-la ti perdi so plas. Sa vie serpan ki zot ti apel diab, ou Satan, sedikter lemond la, li avek so bann anz ti perdi zot plas dan lesiel.

Proverb 5:6

Li pa finn swazir sime lavi; li pa mem kone ki li dan sime perdision.

Mt 23:14

Maler lor zot dokter lalwa ek Farizien ipokrit, zot manz tou manze bann vev, zot fer long-long lapriyer pou lizie dimounn. Akoz samem zot pou gagn enn pli gran kondanasion.