2 Pi 2:1 - Nouvo Testaman Kreol Morisien Harmonisation NTPS KM

¹ Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou amenn bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

Nouvo Testaman dan Kreol Morisien

¹ Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

2 Pi 2:1 Referans Kwoze

Mt 7:15

Fer atansion bann fos profet ki vini kouma bann mouton me ki an-verite zot bann loulou feros.

Let Zid 1:4

Ofet ena sertin dimounn malonet ki finn infiltre parmi zot. Zot finn abiz bonte Bondie pou zistifie zot aksion imoral e zot finn osi rezet Zezi Kris nou sel Met ek Segner. Depi lontan Lekritir finn anons sa kondanasion ki pe ariv zot la.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

2 Tim 4:3

Ler pou arive kot dimounn pou nepli anvi ekout bon lansegnman. Zot pou prefer swiv zot dezir ek ekout bann predikater ki pou vinn met dan zot zorey seki zot anvi tande.

Mt 24:11

Boukou fos profet pou leve e pou anbet dimounn.

Ga 2:4

malgre ki enn bann fos frer ti glis anba-anba pou espionn liberte ki nou ena dan Zezi Kris e pou anprizonn nou dan lalwa.

1 Ko 11:19

San dout li bon ki ena divizion parmi zot, parski koumsa kapav kone kisann-la parmi zot ki vremem fidel.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri-la sorti kot Bondie parski ena boukou fos profet ki finn vinn dan lemond.

Let pou Kolosien 2:8

Pran gard ki personn pa piez zot dan bann gran lide, sa bann tronpri ki imin finn invante, anba lanpriz bann lafors ki dan liniver, e ki pena okenn lien avek Lekris.

Let pou Tit 3:10

Pou seki konsern bann divizer, apre de warning, bizin koupe ar zot.

Let pou Tit 1:11

To bizin ferm zot labous. Sa bann dimounn-la amenn boulversman dan bann fami ek zot pran kas.

Let pou Filipien 3:19

Zot pe al ver zot destriksion; zot vant samem zot Bondie, zot fier pou kiksoz ki ti bizin fer zot onte; zot mazinn zis bann zafer sa lemond-la.

1 Ko 6:20

finn pey enn gro pri pou aste zot. Alor rann glwar Bondie avek zot lekor.

Mk 13:22

Fos mesi ek fos profet pou leve; zot pou fer bann mirak pou fer dimounn tom dan lerer, e si posib, mem parmi bann seki finn swazir.

Revelasion 5:9

Zot sant enn nouvo kantik: “To merit pran liv-la e kas so bann sele parski zot finn touy twa, e avek to disan, to finn raste pou Bondie, dimounn toutsort tribi, langaz, pei ek nasion.

Revelasion 2:9

Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Eb 10:29

Ki pou ariv sa dimounn ki mepriz Garson Bondie, ki tret bonavini disan lalians Bondie ki finn pirifie li e ki insilte Lespri lagras? Zot kapav devine ki kantite sever so pinision pou ete!

Let pou Kolosien 2:18

Pa les personn kokin zot laviktwar par bann devosion, par lapriyer ar bann anz lor baz vizion e lintelizans imin ki gonfle ar pretansion.

Ef 4:14

Lerla nou pa pou kouma bann zanfan, ki balote, ki sakouye dan siklonn tou kalite doktrinn ki bann dimounn rize servi pou antrenn lezot dan lerer.

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Mt 10:33

me si kikenn dir an piblik ki li pa konn mwa, mwa osi mo pou dir ki mo pa konn li devan mo Papa dan lesiel.”

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet-la. Li ti dimann bann abitan fer enn zimaz sa bebet ki ti finn blese ar lepe la, e ki ti ankor pe viv.

Revelasion 2:13

Mo kone kot to reste; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan reste.

Let Zid 1:18

Bann-la finn dir zot: “Dan bann dernie letan, pou ena bann dimounn ki pou mok zot e pou swiv zot move dezir”

1 Zn 2:26

Mo pe ekrir sa lor size bann dimounn pe rod tronp zot.

1 Pi 1:8

Mem si zot pa finn trouv li, zot kontan li; e mem si zot pa trouv li aster-la, zot krwar dan li e zot rezwir dan enn lazwa extraordiner ki pa kapav exprime,

Ef 1:7

Dan Lekris, nou finn gagn delivrans par so disan, dan Lekris nou bann fot finn pardone dapre rises so lagras.

Ga 5:20

lidolatri, sorselri, mazik, laenn, dispit, zalouzi, koler, rivalite, lager,

Ga 4:17

Sa bann dimounn-la pe donn zot boukou latansion me zot lintansion pa bon. Zot anvi separ mwa avek zot, pou lerla tou latansion vinn pou zot.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Lk 21:8

“Pran kont, pa les dimounn anbet zot. Parski boukou dimounn pou vinn lor mo nom e zot pou dir, ‘Momem sa.’ ‘Ler finn arive’. Pa swiv zot.

Lk 6:26

Bienmalere kan tou dimounn koz lor zot an-bien, parski koumsa mem zot gran dimounn ti fer ar bann fos profet.

Mt 24:5

Pou ena boukou ki pou vini lor mo nom pou dir ‘Momem Lemesi!’

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

1 Ko 7:23

Finn pey enn gro pri pou aste twa, alors pa vinn esklav bann zom.

Revelasion 3:8

Mo konn to travay. Ala mo finn ouver enn laport pou twa ki personn pa kapav ferme. Mo kone ki to ena enn tigit lafors, pourtan, to finn res fidel ar mo parol e to pa finn renie mwa.

Lk 12:9

Me seki renie mwa devan dimounn, Garson Limanite pou renie li devan anz Bondie.

1 Tim 5:8

Si kikenn pa pran swin so fami, li finn fini renie so lafwa, e sa li pir ki enn dimounn ki pa krwar.

Revelasion 6:10

Zot ti kriye bien for, “Segner tomem Met ki sin ek veritab. Komie letan li pou pran pou ziz bann abitan later e pran to revanz pou nou disan ki finn verse?”