2 Pi 1:7 - Nouvo Testaman Kreol Morisien Harmonisation NTPS KM

⁷ avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

Nouvo Testaman dan Kreol Morisien

⁷ avek latasman ar Bondie azout lafeksion ki zot ena ant zot, avek lafeksion ki zot ena ant zot azout lamour.

2 Pi 1:7 Referans Kwoze

Eb 13:1

Kontigne kontan zot kamarad kouma bann frer ek ser.

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

1 Tes 3:12

Ki Bondie ogmant lamour ki zot ena ant zot e pou tou dimounn, parey kouma lamour ki nou ena pou zot.

Ga 6:10

Alor, tan ki nou ena letan, anou travay pou bien tou dimounn spesialman pou bann ki pros avek nou dan lafwa.

1 Zn 4:21

Ala komannman ki li finn donn nou: seki kontan Bondie bizin kontan so frer ek so ser osi.

1 Zn 3:16

Ala kouma nou kone ki vedir lamour: Zezi Kris finn donn so lavi pou nou. Nou osi nou bizin donn nou lavi pou nou bann frer ek ser.

1 Zn 3:14

Nou kone ki nou finn pas dan lamor pou rant dan lavi, parski nou kontan nou bann frer, nou bann ser. Dimounn ki pa kontan so prosin, li ankor prizonie pwisans lamor.

1 Pi 2:17

Respekte tou bann imin, kontan zot bann frer ek ser dan lafwa, ador Bondie e respekte lanperer.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

Let pou Kolosien 3:14

Pli inportan ki tou, viv dan lamour, samem ki fer linite dan larmoni.

1 Pi 3:8

Finalman, zot tou, zot bizin ena mem lespri, mem konpasion ek mem santiman lamour ant zot. Ena enn bon leker e viv avek limilite.

1 Tes 5:15

Asir zot ki personn pa rann lemal par lemal, me rod touzour fer seki bien ant zot e pou tou lezot dimounn.