2 Ko 7:11 - Nouvo Testaman Kreol Morisien Harmonisation NTPS KM

¹¹ Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer-la.

Nouvo Testaman dan Kreol Morisien

¹¹ Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer la.

2 Ko 7:11 Referans Kwoze

Let pou Romin 14:18

Seki servi Lekris dan sa fason-la li agreab devan Bondie ek li aprouve par dimounn.

2 Tim 2:15

Fer tou pou ki Bondie trouv dan twa enn bon travayer ki pa per, ni onte, pou propaz Parol laverite.

2 Ko 7:7

me pa selman par so larive, me osi par konsolasion ki zot ti donn li. Li ti rakont nou kouma zot anvi trouv mwa, komie zot tris, komie zot pare pou defann mwa; akoz sa mo lazwa li vremem gran.

1 Ko 5:13

Bondie pou ziz bann ki andeor. Lekritir dir, “Met deor seki move parmi zot.”

Psom 2:11

Obeir LESEGNER ar boukou respe; exprim zot lazwa, avek tranbleman.

Revelasion 3:19

Mo koriz e reprimann tou dimounn ki mo kontan, me twa, montre boukou zel e sanz to konportman.

Let Zid 1:23

Sov zot, tir zot dan dife; pitie lezot me fer atansion, evit tou kontak avek mem zot linz tase par zot move dezir.

1 Pi 2:2

Parey kouma bann zanfan ki fek ne, rod dile ki pa koupe e ki spiritiel pou ki kan zot bwar li zot kapav grandi pou gagn vre lavi,

1 Pi 1:17

Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.

Let pou Tit 3:8

Sa enn parol sir. Mo oule ki to met lanfaz lor sa bann kestion-la afin ki bann ki finn met zot lafwa dan Bondie, zot ena aker pou fer lebien devan tou dimounn, seki enn bon zafer an limem.

Let pou Filipien 2:12

Mo bann kamarad, zot finn touletan obeisan ler mo ti avek zot, aster ki mo absan, zot bizin plis obeisan ankor. Dan imilite ek reverans, travay pou zot delivrans,

Ef 5:11

Pa al rant dan bann travay initil ki fer dan kasiet; okontrer denons zot.

Ef 4:26

Si zot ankoler, pa fer pese. Pa les zot koler res ziska ki soley al kouse.

2 Ko 13:7

Nou priye Bondie pou ki zot pa fer nanye mal, pa pou ki sa montre nou sikse, me montre ki zot pratik seki bien, mem si li paret ki nou pa finn pas leprev.

2 Ko 9:2

Mo konn zot bon lintansion, e avek fierte mo finn dir bann Masedonien ki Akai finn pare depi lane pase, ek sa finn ankouraz bann-la pou azir.

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

2 Ko 6:4

Okontrer, nou prezant noumem dan tou sirkonstans kouma bann serviter Bondie; nou siport bann soufrans, detres, angwas,

2 Ko 2:6

Pinision ki mazorite parmi zot finn donn sa dimounn-la, li ase.

1 Ko 12:25

pou ki pena divizion dan lekor, me ki sak parti pran swin lezot.

1 Ko 5:2

E lorla zot arogan! Okontrer zot ti bizin dan tristes. Dimounn ki finn azir koumsa, ti bizin finn fini met li deor depi zot group.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

Zistwar Bann Zapot 17:16

Letan Pol pe atann zot dan Atenn, so lespri ti bien trouble ler li trouv sa kantite stati idol ki ti ena dan lavil-la.

Zn 2:17

Lerla so bann disip rapel Parol Lekritir, “Lamour pou to lakaz pou devor mwa kouma laflam.”

Mk 3:5

Li get zot ar lakoler, anmemtan, li sagrin ki zot leker dir. Li dir boug-la, “Dres to lame.” Monion-la dres so lame; so lame revinn normal.

Proverb 28:14

Bienere dimounn ki gagn per pou fer lemal; me bann leker dir ki pa oule sanze, pou rwine.

Proverb 14:16

Dimounn saz pran prekosion pou evit problem; ti-lespri tro prese, li bes latet, li rant dan piez.

Psom 145:19

Bann ki onor li gagn seki zot bizin; li tann zot soufrans e li sov zot.

Psom 130:6

Avek inpasians mo pou atann larive Lesegner plis ki gardien-aswar esper gramatin vini. Wi! Plis ki gardien-aswar esper gramatin vini.

Psom 119:139

Lakoler anflam mo lespri akoz mo lennmi bliye to parol.

Psom 69:9

Lamour pou to lakaz devor mwa kouma laflam; bann insilt ki avoy lor twa tom lor mwa.

Psom 42:1

Parey kouma serf rod dilo kler larivier, mwa mo rod to prezans, mo Bondie.

Psom 38:9

Segner, to kone ki mo bann dezir ete. To tann mwa plengne ar douler;

Psom 35:13

Me kan zot ti dan douler, mo ti met linz dey; mo ti zene ek priye. Mo ti azenou pou priye,

2 Ko 7:9

Aster-la mo dan lazwa, pa akoz mo finn rann zot tris, me parski tristes-la finn fer zot repanti. Bondie finn servi sa tristes-la, koumsa nou pa finn koz zot okenn ditor.

Let pou Romin 3:5

Me si bann move kiksoz ki nou fer montre lazistis Bondie, ki nou pou dir? Bondie pa zis parski li pini nou? La mo koz kouma enn imin.

1 Tes 4:6

Dan sa zafer-la, ki personn ant zot pa fer dimal so prosin oubien abiz lor li. Nou finn deza dir zot sa avan, la nou pe averti zot ki Bondie pou pini bann ki komet sa bann fot-la.

1 Tim 5:20

Si kikenn fer pese, repran li an piblik koumsa lezot pou fer atansion.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.