2 Ko 6:1 - Nouvo Testaman Kreol Morisien Harmonisation NTPS KM

¹ Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Nouvo Testaman dan Kreol Morisien

¹ Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

2 Ko 6:1 Referans Kwoze

Eb 12:15

Zot bizin veye ki personn pa detourn li kont lagras Bondie; ki zot pa vinn kouma bann rasinn amer ranpli ar pwazon ki kapav anpwazonn boukou dimounn.

1 Ko 3:9

Nou pe travay ansam avek Bondie, e zot, zotmem plantasion Bondie, zotmem konstriksion Bondie.

1 Pi 4:10

Sakenn, parey kouma enn bon serviter, servi bien bann diferan kalite lagras ki Bondie finn donn zot.

Ga 2:21

Mo pa pe rann lagras Bondie initil; me si par lalwa ki nou rann nou zis devan Bondie, savedir ki Kris finn mor pou nanye.

Eb 12:25

Tansion! Pa refiz ekout dimounn ki pe koz ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

Let pou Romin 12:1

Alor, mo bann frer, mo bann ser, par konpasion ki Bondie ena pou nou, mo exort zot ofer zotmem kouma bann sakrifis vivan, sin e agreab, konsakre pou servi Bondie; sa vre adorasion ki zot ofer.

Ga 3:4

Eski zot finn fer tou sa bann lexperyans-la pou nanye? Pa kapav tousala pou nanye.

Zistwar Bann Zapot 14:3

Alors zot finn res lontan laba, zot finn rann bann temwaniaz bien for pou Lesegner ki ti aprouv mesaz so lagras par bann sign ek bann mervey ki li permet zot fer.

Let pou Tit 2:11

Lagras Bondie ki sov tou dimounn finn manifeste.

Mt 23:37

“Zerizalem, Zerizalem, twa ki touy to bann profet kout ros! Komie fwa mo finn anvi rasanble to bann zanfan kouma enn mama poul rasanble so bann piti anba so lezel, me to pa finn anvi!

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

Zistwar Bann Zapot 11:23

Letan li ariv laba li trouv lagras Bondie, li ti bien-bien kontan. Li ti ankouraz zot tou pou res fidel ar Lesegner ar tou zot leker.

1 Tes 3:5

Pou sa rezon-la, letan mo ti nepli kapav siporte, mo ti avoy Timote pou pran nouvel lor zot lafwa. Mo ti per ki diab tant zot e tou sa lapenn ki nou finn fourni la, finn tom dan dilo.

Eb 4:1

Pandan ki promes pou rant dan repo Bondie touzour valab, anou pran kont pou ki personn parmi zot pa perdi sa lokazion pou rant ladan la.