2 Ko 5:21 - Nouvo Testaman Kreol Morisien Harmonisation NTPS KM

²¹ Lekris pa ti ena pese, me Bondie finn met nou pese lor li, pou ki letan nou ini ansam ar li, nou rant dan enn lavi akseptab devan Bondie.

Nouvo Testaman dan Kreol Morisien

²¹ Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

2 Ko 5:21 Referans Kwoze

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

Let pou Romin 5:19

Par dezobeisans enn sel, boukou dimounn finn tom dan pese, dan mem manier, par lobeisans enn sel, boukou dimounn revinn zis devan Bondie.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

1 Zn 3:5

Zot kone ki Lekris finn vini pou efas nou bann pese, e limem, li pena okenn pese dan li.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

Let pou Filipien 3:9

e mo ini avek li. Mo pa kapav dir ki mo zis akoz mo pratik lalwa. Mo lazistis li baze lor lafwa dan Kris, enn lazistis ki sorti kot Bondie, baze lor lafwa.

2 Ko 5:17

Si kikenn ini ar Lekris, li vinn enn nouvo kreasion; seki vie finn disparet, seki nouvo ki la.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Ef 5:2

Zot manier viv bizin inspire par lamour, parey kouma Lekris ti kontan nou e li ti donn limem pou nou, kouma enn lofrand ek enn sakrifis ki ena enn bon parfin ki fer Bondie plezir.

Let pou Romin 1:17

Bonn Nouvel revel kouma Bondie amenn drwatir. Zis lafwa tousel ki fer sa, depi koumansman ziska lafin, parey kouma Lekritir deklare, “Dimounn ki drwat pou viv par lafwa.”

Eb 7:26

Samem sa kalite gran pret-la ki nou ti bizin. Kikenn ki sin, san okenn defo, ki pena pese, separe avek bann peser e ki plase pli ot dan lesiel.

Zistwar Bann Zapot 3:14

Me zot ti rezet Sa-Enn ki Sin ek Drwat e zot ti fer Pilat larg enn kriminel

Lk 1:35

Anz-la reponn, “Lespri Sin pou vinn lor twa, e pwisans Bondie Treo pou kouver twa; akoz samem zanfan-la pou Sin e pou apel li Garson Bondie.