2 Ko 4:6 - Nouvo Testaman Kreol Morisien Harmonisation NTPS KM

⁶ Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Nouvo Testaman dan Kreol Morisien

⁶ Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

2 Ko 4:6 Referans Kwoze

1 Pi 2:9

Me zot, okontrer, zot enn ras ki Bondie finn swazire, bann pret rwayal, enn nasion sin, Bondie so prop pep ki finn swazir pou proklam bann mervey Sa Enn ki finn apel zot pou sorti dan teneb pou rant dan so lalimier merveye.

2 Pi 1:19

Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

Ef 5:8

Avan zot ti teneb, aster-la dan Lesegner zot lalimier; mars kouma bann zanfan lalimier.

2 Ko 4:4

Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Zn 11:40

Zezi dir li, “Mo pa finn dir twa ki si to krwar to pou trouv laglwar Bondie?”

Let pou Kolosien 1:15

Li rann vizib Bondie ki invizib, Premie-ne parmi tou bann kreatir,

Ef 1:17

Mo priye Bondie Papa nou Segner Zezi Kris, Papa ki ena laglwar, ki li donn zot Lespri lasazes, e Lespri ki devwal Bondie pou ki zot konn li plis ankor.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Psom 90:16

Permet nou dekouver to bann gran aksion; permet nou desandan trouv to pwisans triyonfan.

Psom 63:2

Pandan lontan mo finn get twa dan sanktier pou ki mo kapav admir to pouvwar ek to laglwar.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz-la.

Let pou Filipien 2:6

Zezi, mem si li touletan ti ena natir Bondie, li pa finn anvi vinn egal ar Bondie.

Zn 12:41

Izai finn koz lor Zezi parski li finn trouv so laglwar.

Psom 74:16

To ti kree lizour ek lanwit; To ti plas soley ek lalinn dan zot plas;

Lk 10:22

Mo Papa finn remet tou kiksoz dan mo lame. Personn pa konn so Garson, exsepte Papa-la, e personn pa konn Papa-la exsepte so Garson e dimounn ar ki Garson-la anvi revel so Papa.”

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

1 Ko 12:8

Lespri Bondie donn enn dimounn enn mesaz ranpli ar sazes, me pou enn lot dimounn mem Lespri donn enn mesaz ranpli ar konesans.

2 Ko 2:10

Ninport kisann-la ki zot pardone, mwa osi mo pardonn li. Kan mo pardone, si ena kiksoz mem pou pardone, mo fer li pou zot devan Lekris.

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

1 Tes 2:12

Nou finn ankouraz zot, rekonfort zot ek plede pou ki zot amenn enn lavi korek ki onor Bondie, ki apel zot pou partaz ar li so rwayom ek so laglwar.

Eb 6:4

Li inposib pou retablir dimounn ki finn deza resevwar lalimier, ki finn gout bann don lesiel, ki finn vinn partner avek Lespri Sin,