2 Ko 4:4 - Nouvo Testaman Kreol Morisien Harmonisation NTPS KM

⁴ Zot pa krwar parski bondie lemal dan sa lemond-la finn fer zot lespri aveg pou ki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Nouvo Testaman dan Kreol Morisien

⁴ Zot pa krwar parski bondie lemal dan sa lemonn la finn fer zot lespri aveg pouki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

2 Ko 4:4 Referans Kwoze

Zn 12:40

“Bondie finn rann zot lizie aveg, zot leker dir kouma ros, pou ki zot pa trouv kler avek zot lizie, pa konpran avek zot leker, lerla zot pa pou konverti e zot pa pou gagn zot gerizon.”

2 Ko 3:14

Me zot lintelizans ti pe al dan tengn. Mem zordi letan zot lir Ansien Testaman sa vwal-la reste, parski selman par Lekris ki vwal-la tonbe.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

1 Zn 5:19

Nou kone ki nou zanfan Bondie, e lemond antie li dan pouvwar Lemal.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Ef 2:2

Lontan zot ti pe viv sa lavi-la; sa lepok-la zot ti pe swiv bondie sa lemond-la, sa prins ki ant lesiel ek later, sa lespri ki pe azir aster parmi bann ki opoz Bondie.

Ef 6:12

Nou pa pe lit kont pwisans imin me kont bann dirizan, bann lotorite, bann pouvwar ki dominn sa lemond teneb la, kont pwisans spiritiel lemal lao dan lesiel.

Zn 12:31

Aster-la mo pou ziz lemond e so gran sef pou deor.

Zn 8:12

Zezi ti pe koz ar zot ankor, li dir “Momem lalimier dan lemond; seki swiv mwa pa pou mars dan teneb me li pou gagn lalimier ki donn lavi.”

Zn 12:35

Zezi dir zot, “Lalimier pou res ankor inpe letan avek zot; kontigne marse kan lalimier ankor ar zot, pou ki zot pa tom dan marenwar; parski dimounn ki mars dan nwar, pa kone kot li pe ale.

Zn 14:30

Mo nepli pou dir zot tousala; sef demon ki diriz lemond pe vini e li pa kapav fer mwa nanye.

2 Ko 3:18

Nou tou, ki nepli ena vwal lor nou figir nou reflet laglwar Lesegner. Lespri pe transform nou pou ki nou resanble Lesegner, avek enn laglwar ki kontign ogmante plis ankor. Sa, li vinn depi Lespri Lesegner.

Let pou Kolosien 1:27

Li finn anvi fer zot konn rises ek laglwar sa mister-la parmi bann pep: Lekris parmi zot, lesperans laglwar!

Let pou Kolosien 1:15

Li rann vizib Bondie ki invizib, Premie-ne parmi tou bann kreatir,

1 Zn 2:8

Ankor enn fwa, mo pe ekrir zot enn nouvo komannman ki trouv so laverite dan Lekris ek dan zot osi. Vremem, teneb pe disparet e vre lalimier pe briye.

Let pou Filipien 2:6

Zezi, mem si li touletan ti ena natir Bondie, li pa finn anvi vinn egal ar Bondie.

Zn 1:14

Laparol finn vinn enn imin e li finn res kot nou. Li ti ranpli ar lamour ek laverite. Nou finn kontanple so laglwar, laglwar sel Garson Bondie Papa.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Zn 16:11

Ki ete zizman? Sef lemond finn fini zize.

2 Pi 1:19

Alor nou kapav ena plis konfians dan mesaz sorti kot bann profet. Li dan zot lavantaz pou fer bien atansion parski li parey enn lalanp ki briye dan marenwar ziska lizour kan zetwal gramatin leve pou ekler zot leker.

2 Ko 3:11

Si finn ena laglwar dan seki existe zis pou enn letan, konbien plis laglwar pou ena dan seki existe pou touzour!

1 Ko 10:20

Non, me mo dir ki bann-la pe ofer sakrifis ar demon, pa ar Bondie. Mo pa oule ki zot ena kominion avek bann demon.

Zn 12:45

Dimounn ki trouv mwa, trouv Sa-Enn ki finn avoy mwa la.

Zn 15:24

Si mo pa ti fer pou zot, travay ki personn pa kapav fer, zot ti pou ena bon exkiz pou zot bann pese; me aster-la zot finn trouve e zot kontigne ayir mwa ek mo Papa.

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Psom 50:2

Bondie briye depi Sion, so gran lavil parfe ki bengn dan bote.

1 Tim 1:11

Mo tir sa lansegnman-la dan grander Bonn Nouvel ki Bondie Beni, finn konfie mwa.

Mt 13:22

Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Zistwar Bann Zapot 26:23

ki Lekris bizin soufer, ek parski limem premie pou resisite apre lamor, li pou proklam lalimier pou bann Zwif ek bann non-Zwif osi.”

2 Ko 2:11

Nou fer sa pou ki Satan pa may nou dan lak. Nou kone ki li pe maniganse.

2 Ko 2:12

Letan mo ti vinn Troas pou anons Bonn Nouvel Lekris mo ti dekouver ki Lesegner ti ouver enn laport pou mwa

Ga 1:4

Zezi Kris, finn donn limem pou nou pese e li finn delivre nou dan sa lemond move la dapre volonte Bondie nou Papa.

Eb 6:4

Li inposib pou retablir dimounn ki finn deza resevwar lalimier, ki finn gout bann don lesiel, ki finn vinn partner avek Lespri Sin,

1 Zn 2:11

Me dimounn ki ayir so frer e so ser, li dan teneb, li mars dan teneb, e li pa kone kot li pe ale, parski teneb finn fer li vinn aveg.